တစ်ခါတလေ
အကြောင်းမရှိအကြောင်းရှာ ရစ်တတ်တဲ့ ကောင်မလေးတစ်ယောက်ရဲ့ အကျင့်ဆိုး ကြီးကို
ညည်းညည်းညူညူ သည်းခံတတ်တဲ့ သူတစ်ယောက်ကို အဲဒီကောင်မလေးက အရမ်းသံယောဇဉ်
တွယ်မိတယ်တဲ့။ သူက ကောင်မလေးဆိုးသမျှကို မညည်းမညူတော့ မဟုတ်ပြန်ဘူး။ ကောင်မလေးက
သူ့ကို သိပ်ချစ်တဲ့သူကို စိတ်မကောက်ဖို့တော့ ကြိုးစားပြီးနေကြည့်လည်း မရဘူးတဲ့။
သူ့ရဲ့ ဂရုစိုက်မှုတွေ၊ သူ့ရဲ့ ကြင်နာမှုတွေကို အဲဒီစိတ်ကောက်ခြင်းတွေကလည်း တစ်ခါတရံ
ယူလာပေးတတ်လို့ သူစိတ်ကောက် တာပါတဲ့။ ကောင်မလေးရဲ့ စိတ်ကောက်တတ်တာတွေကို
သူစိတ်ပျက်တယ်လို့ တစ်ခါတရံ သတိပေးတတ် ပါတယ်။
အဲဒီလိုအခါမျိုးမှာတော့
ကောင်မလေးက အလွန်အမင်း ထိတ်လန့်သွားတတ်ပြီး စိတ်မကာက် တော့ဘူးလို့လည်း
သူစိတ်မပျက်အောင် ပြောတတ်ပါတယ်။ ဒါပေမဲ့လည်း စိတ်ကောက်ခြင်းနဲ့ သူမနဲ့က
အတူယှဉ်တွဲနေပါတယ်။ ကလေးလေးတစ်ယောက်လို ဆိုးနွဲ့တတ်တဲ့ အဲဒီကောင်မလေးကို သူ
တစ်ခါတလေ စိတ်ကုန်တယ်တဲ့။ အဲလို သူပြောတဲ့အခါမျိုးမှာ အဲဒီကောင်မလေးက
တခြားသူတွေနဲ့ဆို ရင့်ကျက်တဲ့ စိတ်ရှိပြီး သူနဲ့ကျမှ ကလေးလိုနေမိတာပါလို့
ပြန်ပြောတော့ သူက လူကြီးလို နေပြပါဦးခင်ဗျာ လို့… ပြန်ပြောတာကို
ကောင်မလေးက မနေပြပါဘူးလို့ ချက်ခြင်းပဲ ခပ်စွာစွာပြန်ပြောတတ်ပါတယ်။
တကယ်တော့
ကောင်မလေးက သူဆိုးတာကို သူကိုယ်တိုင်လည်း သိနေတယ်။ သူ့ကို ချစ်တဲ့သူရဲ့
အချိန်ရှားပါးတာကိုလည်း နားလည်တယ်။ ဒါပေမဲ့ အဲဒီအချိန်တွေထဲမှာ နစ်မြုပ်ပြီး
သူမကို မေ့နေမှာ သိပ်စိုးရိမ်နေတဲ့ ကောင်မလေးကို သူက အဲဒီအချိန်တွေကြားထဲ မှာ
ကောင်မလေးလည်းရှိတယ်လို့ပြောတော့ ကောင်မလေး ပျော်ရွှင်ခဲ့တယ်။ တစ်ခါတလေ တကယ်နော်..တကယ်လား…
ဆိုတဲ့ ပြန်မေးတတ်တဲ့ အကျင့်ကို သူနားလည်နိုင်မယ်လို့ ကောင်မလေး ယုံကြည်နေတယ်။
တစ်ခါအညာခံရဖူးတဲ့သူက နောက်တစ်ခါ အညာခံရမှာကြောက်တယ်ဆိုတာ သူနားလည်မယ်လို့
ကောင်မလေးယုံကြည်ခဲ့တယ်။
တစ်ခါတလေ
စကားလုံးတွေထက် တစ်ဦးနဲ့တစ်ဦးနားလည်နေဖို့သာ အဓိကကျတယ် ဆိုတာကို ကောင်မလေးက
သိရက်နဲ့ လက်မခံချင်ဘူး။ သူမကို အမြဲခွင့်လွှတ်သည်းခံပေးတတ်တဲ့ သူ့ကို အနိုင်ကျင့်
စိတ်ကောက်ရင်း ဆိုးလာလိုက်တာ အခုချိန်ထိ သူမ အသိတရားမရသေးပါဘူး။ ဒါပေမဲ့
သူမနှလုံးသားကတော့ နွယ်ပင်အထပ်ထပ်နဲ့ရစ်ပတ်ထားတဲ့ သံယောဇဉ်တွေက ဖယ်ခွာလို့
မရနိုင်လောက်အောင် တုပ်နှောင်ခံထား ရပြီဆိုတာ ကောင်မလေး လက်ခံလိုက်ရပါတယ်။ တကယ်
တမ်းတော့ ပိုချစ်ရတဲ့သူက ကောင်မလေးပဲ ဖြစ်မှာပါ။
