ညီမလေးရေ…
ဒီနေ့ မေ ၂၂ရက်နေ့ ဖေဖေ့ရဲ့မွေးနေ့လေ… ညီမလေး မှတ်မိရဲ့လား။ မမကြီးက ဖေဖေ့ကို ဒီနေ့ ဖေဖေ့ရဲ့မွေးနေ့နော်လို့…ပြောတော့ ဖေဖေက သူ့မွေးနေ့ကို မှတ်မိနေပါလားဆိုပြီး ၀မ်းသာနေပုံရတယ် ညီမလေးရဲ့။ တကယ်တော့ မမကြီးတို့ ညီမလေးတို့က ဖေဖေ မေမေတို့ရဲ့ တနှစ်မှာတခါသာရောက်တဲ့ မွေးနေ့ရက်ကလေးကို မှတ်မိသင့်တာပေါ့နော်။ ဖေဖေ မေမေတို့က မမကြီးတို့ ညီမလေးတို့အတွက် သူတို့ရဲ့အချိန်တွေ သူတို့ရဲ့အတွေးတွေမှန်သမျှ အရာအားလုံးကို မမကြီးတို့အပေါ်မှာပဲ ပေးဆပ်ထားကြတာလေ။ သူတို့ရဲ့မွေးနေ့တွေ၊ အမှတ်တရနေ့တွေကိုတောင် တခါတလေ မေ့ချင်မေ့နေကြမှာပါ။ မမကြီးငယ်ငယ်က ဖေဖေက သူ့မွေးနေ့ကို မေ့နေတဲ့အခါ မေမေက အမှတ်ပေးရတယ်တဲ့။ ဒီအတိုင်းပဲ မေမေက မေမေမွေးနေ့ကို မေ့နေတဲ့အခါ ဖေဖေက အမှတ်ရပေးတယ်လို့ မေမေပြောပြလို့ သိခဲ့ရတယ်။
မမကြီးတို့တွေအားလုံးဟာ ကိုယ်ချစ်ခင်လေးစားသူတွေရဲ့မွေးနေ့ရက်တွေကို သတိတရရှိနေတတ်ကြတယ်။ အခုလည်း ဖေဖေရဲ့မွေးနေ့မှာ ဖေဖေအံ့သြ၀မ်းသာသွားအောင် ဒီနေ့ ဖေဖေ့မွေးနေ့နော်လို့… အရင်ရက်တွေကတည်းက ပြောချင်လွန်းလို့ မွေးနေ့ရက်ကို မြန်မြန်ရောက်စေချင်နေမိတယ်။ မမကြီးငယ်ငယ်က ဖေဖေနဲ့မေမေ့ကို ဖေဖေ့ကို ပိုခင်တွယ်ခဲ့တာတဲ့။ ရေချိုးလည်း ဖေဖေချိုးပေးမှ…. ထမင်းစားလည်း ဖေဖေကျွေးမှလို့…ဂျီတော်တော်ကျခဲ့တာတဲ့။ ဖေဖေသွားလေရာ တကောက်ကောက်လျှောက်လိုက်နေတတ်တဲ့ မမကြီးကို မေမေဆို တော်တော်စိတ်ညစ်ခဲ့ရတာတဲ့။ အဲဒါတွေတော့ မမကြီးမမှတ်မိခဲ့ဘူး။ နောက်ပိုင်းမှ မေမေပြောပြလို့ သိခဲ့ရတာ။ ငယ်ငယ်က မှတ်မိတာဆိုလို့ ဖေဖေက မမကြီးတို့ကို မာန်လည်းမမာန် ရိုက်လည်းမရိုက်ဘူး။ မေမေဆူရိုက်ရင်တောင် ဖေဖေက မကြိုက်ဘူးလေ။ လိုချင်တာရှိလို့ ပူဆာရင်လည်း ဖေဖေက ချက်ချင်းဝယ်ပေးတတ်တယ်။ တနေရာရာသွားတိုင်း မမကြီးတို့အတွက် အမှတ်တရပစ္စည်းလေးတွေ ဂရုတစိုက်ဝယ်လာပေးတတ်တယ်လေ။ ညီမလေးကိုလည်း အငယ်ဆုံးမို့ ဖေဖေက သိပ်ချစ်တာလေ။ ညီမလေးလမ်းလျှောက်တတ်စအရွယ်က မမကြီးတို့နဲ့ ကစားရင်း ညီမလေးပျောက်သွားခဲ့တုန်းက ဖေဖေလေ အရမ်းစိတ်ပူပြီး မမကြီးတို့ကိုလည်း ညီမလေးကို ဂရုမစိုက်ရကောင်းလားဆိုပြီး ပြောခဲ့တယ်။ နောက်တော့ ညီမလေးကို ပြန်တွေ့တော့မှ ဖေဖေစိတ်အေးသွားခဲ့တယ်။ မမကြီးတို့ကိုလည်း ညီမလေးကို သေသေချာချာကြည့်ထားနော်လို့ စိတ်မချဟန်နဲ့မှာနေတတ်တယ်။ ညီမလေးကိုလည်း သမီးအငယ်ဆုံးလေးမို့ ချစ်ရသလို မမလေးကိုလည်း အလတ်မို့လို့ ချစ်တာပါပဲ။ မမကြီးကိုတော့ သားဦးမို့လို့ ရူးမတတ်ချစ်ခဲ့မှာပေါ့ (တကယ်တော့ လူတွေပြောပြောနေတဲ့ သားဦး အရူး….ဆိုတဲ့ စကားကို ဒီအဓိပ္ပာယ်လို့ကောက်ချက်ချမိလို့ပါပဲ)။ အဟဲ။
မမကြီးတို့အပေါ်မှာထားတဲ့ ဖေဖေ့ရဲ့မေတ္တာတွေ စေတနာတွေနဲ့ ကျေးဇူးတရားတွေကို မမကြီးတို့ အမြဲအောက်မေ့သတိရနေမိမှာပါ။ ဖေဖေ့ရဲ့ကြီးမားတဲ့ မေတ္တာတရားတွေနဲ့ လွှမ်းခြုံထားတဲ့ မမကြီးတို့ရဲ့အိမ်လေးဟာ အမြဲနွေးထွေးနေပါတယ်။ ဘယ်အချိန်မှာ ခိုဝင်နားနား အမြဲတမ်းတံခါးဖွင့်ထားမယ့် နွေးထွေးတဲ့မေတ္တာအိမ်လေးပါပဲ။ ဖေဖေတို့ရဲ့အဝေးမှာ အမြဲလိုရောက်နေတဲ့ မမကြီးက တခါတလေမှာ အခက်အခဲတွေတွေ့တဲ့အခါ၊ ကိုယ်ရပ်တည်နေတဲ့ ကိုယ့်ခြေထောက်တွေက အားအင်ချိနဲ့ပြီးယိမ်းယိုင်မလိုဖြစ်နေတဲ့အခါတွေမှာ ဖေဖေ့ကို အရမ်းသတိရမိတာပါပဲ။ အပေါ်ယံဟန်ဆောင်အပြုံးတွေ၊ ရင်ထဲကမလာဘဲ ပြောတတ်ကြတဲ့စကားအမျိုးမျိုးကို ကြောက်ရွံ့မိပြီး အဲဒီအရာတွေအားလုံးရဲ့ဝေးရာ ဖေဖေတို့အနားကိုပြေးထွက်လာချင်မိတယ် ညီမလေးရယ်။ ညီမလေးကတော့ အဲဒီခံစားချက်တွေကို ဘယ်နားလည်နိုင်ဦးမှာလဲနော်။ အခုချိန်မှာ ဖေဖေတို့မေမေတို့အနားမှာ ရှိနေသေးတာကိုး။ တခါတခါနားလည်ရသိပ်ခက်တဲ့ လူ့ပတ်ဝန်းကျင်နဲ့ လိုက်လျောညီထွေမဖြစ်လို့ စိတ်ဓာတ်ကျချင်နေမိတဲ့အချိန်မျိုးမှာ ဖေဖေရဲ့ အသံကြားရုံနဲ့ အားတက်မိတယ်ဆို ညီမလေး ယုံပါ့မလား။ တကယ်ပါ ညီမလေးရေ…မမကြီး ဘာလုပ်လုပ် ယုံကြည်စိတ်ချစွာနဲ့ အားပေးတတ်တဲ့ ဖေဖေ့ကြောင့် ခွန်အားတွေဖြစ်မိတယ်။
ညီမလေးရေ…ဖေဖေဟာ မေမေ့အပေါ်မှာ ခင်ပွန်းကောင်းတယောက်ဖြစ်ခဲ့သလို မမကြီးတို့ ညီမလေးတို့အပေါ်မှာလည်း ဖခင်ကောင်းတယောက်ဖြစ်ခဲ့တယ်လေ။ မမကြီးတို့ ဖေဖေ့ကို ချစ်ခင်လေးစားစွာနဲ့ ဖေဖေ့ရဲ့ကျေးဇူးတရားတွေကို အမြဲအောက်မေ့နေမိမှာပါ။ ညီမလေးရေ… ဒီနှစ် ဖေဖေ့ရဲ့မွေးနေ့မှာ မမကြီး ဖေဖေ့အနားမှာရှိနေခဲ့တာ ကံတရားကိုကျေးဇူးတင်ရမလားပါပဲ။ နောင်နှစ်တွေမှာလည်း ဖေဖေ့ရဲ့မွေးနေ့မှာ အခုလိုပဲခဏလေးဖြစ်ဖြစ် ရှိနေချင်ပါတယ် ညီမလေးရယ်။
22.5.2011 (10:30PM)
No comments:
Post a Comment