လွမ်းလို့ရယ် မကုန်နိုင်ပါ ဆရာ...

ဆရာ့ရဲ့ စာတွေဖတ်ဖူး၊ ဆရာ့ကို အပြင်ပွဲတွေဘာတွေမှာ တွေ့ဖူးပြီး ဆရာ့ကို လေးစားပေမဲ့ ဆရာ့ကို အပြင်မှာ မနှုတ်ဆက်ဖြစ်ခဲ့ဘူး။ ၂၀၁၂ခုနှစ် မေလဆန်းမှာတော့ ဆရာ့ဖေ့စ်ဘွတ်ခ်ကနေ မောင်ဝံသသတင်းပညာသင်တန်း အပတ်စဉ် (၂)အတွက် သင်တန်းသားခေါ်ယူတော့ သင်တန်းတက်ဖို့အတွက် ဆရာ့မေးလ်ကို ပေးပို့လျှောက်ထားခဲ့ပါတယ်။

ဆရာ့ဆီက မေလ ၁၄ရက်နေ့မှာ သင်တန်းတက်ခွင့်ရကြောင်း မေးလ်ပြန်ပို့ပေးခဲ့တယ်။

<<<< maung wuntha <maungwuntha@gmail.com>	5/14/12
to me

ကျော့ကေခိုင်

ဇွန် ၄ စမယ့်သင်တန်းအတွက် လက်ခံကြောင်း ပြန်ကြားပါတယ်။
လောလောဆယ် တက်နိုင်ရင် ပထမပတ်က Journalism English ဒီနေ့မှ စသင်တယ်။
နက်ဖြန် ၁၅-၅-၁၂ နံနက် ၈နာရီမှ ၁၀နာရီ လာတက်စေချင်ပါတယ်။ တော်တော်လေး အကျိုးရှိတဲ့ ပို့ချချက်ဖြစ်လို့ ဒုတိယပတ် ဖွင့်ချိန်ကို မစောင့်ဘဲ တက်စေချင်တယ်။

မောင်ဝံသ >>>

            ဆရာ့ရဲ့ သတင်းစာပညာသင်တန်းကြောင့် သတင်းစာပညာကို တက်ရောက်ဖို့အခွင့်အလမ်းရခဲ့တယ်။ သတင်းစာပညာကို စိတ်ဝင်စားတဲ့ လူငယ်တွေအတွက်လည်း အခွင့်အလမ်းကောင်းတစ်ခုဖြစ်ခဲ့တယ်။ သင်တန်းကာလ သုံးလမှာ အပတ်စဉ် တနင်္လာကနေ သောကြာအထိဖွင့်တဲ့ တစ်ပတ်ငါးရက်သင်တန်းဖြစ်တယ်။ သင်တန်းစတက်ဖို့ ဆရာ့ဆီ လျှောက်လွှာပို့ကတည်းက ဆရာက သင်တန်းကို (မဖြစ်မနေကိစ္စမျိုးကလွဲပြီး) မပျက်မကွက် တက်စေချင်တယ်လို့ ပြောခဲ့တယ်။

သင်တန်းစတက်ခွင့် ရတဲ့နေ့မှာ ကျနော်သင်တန်းကိုရောက်တော့ သင်တန်းသားနှစ်ယောက်လောက်ပဲ ရောက်သေးတယ်။ ပြီးတော့ ဆရာ့သင်တန်းက သင်တန်းအတွင်းရေးမှူးအစ်မရယ် သုံးယောက်လောက်ပဲရှိသေးတယ်။ နောက် သိပ်မကြာခင်ပဲ အင်္ကျီလက်ရှည်အဖြူရောင်နဲ့ ချည်လွယ်အိတ်အနီရောင်လေးလွယ်ပြီး ဆရာရောက်လာခဲ့တယ်။ ရောက်ရောက်ခြင်း ဆရာက အေးမြလန်းဆန်းတဲ့ အပြုံးနဲ့ သင်တန်းသားအသစ် ဖြစ်တဲ့ ကျနော့်ကို လှမ်းနှုတ်ဆက်တယ်။

 သင်တန်းမတက်ခင်တုန်းက အင်းစိန်မှာနေတာဆိုတော့ သင်တန်းချိန် မနက် ၈နာရီ ရောက်နိုင်ပါ့မလားလို့ ဆရာက မေးဖူးတယ်။ အခုတော့ အစောကြီးရောက်နေတော့ ဆရာအံ့သြနေပုံရတယ်။ ဆရာက သင်တန်းသားတစ်ယောက်ခြင်းဆီကို အမြဲတမ်းဂရုတစိုက်နဲ့ အလေးအနက်ထားတတ်တယ်။ သင်တန်းမှာ နေမကောင်းတဲ့သူရှိရင်ဆိုရင် ဆေးအတင်းတိုက်လေ့ရှိတယ်။

            အလုပ်တွေအရမ်းများတဲ့ ဆရာက သင်တန်းကို အချိန်ပေးခဲ့တယ်။ နေ့စဉ် သင်တန်းသားတွေတောင် လူမစုံသေးဘူး ဆရာက သင်တန်းကို မနက်အစောကြီးရောက်တယ်။ မနက်စာ(မုန့်တစ်ခုခု)ကို သင်တန်းရောက်မှ စားနေတဲ့ ဆရာ့ကိုအမြဲလိုလိုတွေ့ရ တယ်။ တဖြည်းဖြည်းချင်းရောက်လာတဲ့ သင်တန်းသားတွေကို ပြုံးပြီးကြည့်နေရင်း နှုတ်ဆက်စကားဆိုေ ရှိတယ်။ ပြီးတော့ ဒီနေ့ ဘာသတင်းတွေထူးလဲဆိုတာ မေးတယ်။ ပြီးရင် သင်တန်းသားတွေ မေးသမျှကို စိတ်ရှည်လက်ရှည် ဖြေပေးတတ်တယ်။ တစ်ခါတလေ ဆရာရှင်းပြတာ နားလည်ရဲ့လား၊ တကယ်နားလည်တာလားဆိုပြီး ထပ်ကာထပ်ကာ မေးတတ်တယ်။

            မြန်မာ့နိုင်ငံရေးသမိုင်း ၁၉၆၂ကနေ ၁၉၈၈အထိပြောရင်း ထင်ရှားတဲ့ သူတွေအကြောင်း အရင်ဆုံး သင်တန်းသားတွေကို မေးခွန်းမေးလေ့ရှိ တယ်။ သူ့ကိုသိလား၊ ဘယ်လိုသိတာလဲ။ သူနဲ့ပတ်သက်သမျှ သိသလောက် နည်းနည်းပြောပြပါဆိုပြီး မေးလေ့ရှိတယ်။ အဲလိုမေးပြီးမှ ကျနော်တို့ သိမှတ်မှားနေတဲ့ ပြင်စရာအချက်တွေကို ဆရာက ပြည့်ပြည့်စုံစုံရှင်းပြလေ့ရှိတယ်။

            မနက်တိုင်း သင်တန်းကို လူငယ်တစ်ယောက်လို ပေါ့ပါးဖျတ်လတ်စွာနဲ့ လန်းလန်းဆန်းဆန်းရောက်လာတတ်တဲ့ ဆရာ့ကိုကြည့်ရင်း အလုပ်တွေအများကြီးရှိတာတောင် ဆရာက လူငယ်တစ်ယောက်လို ဖျတ်လတ်နေလိုက်တာလို့ စိတ်ထဲတွေးရင်း အားကျမိတယ်။

            သင်တန်းကာလမှာ ဆရာ သတင်းမီဒီယာနဲ့ပတ်သက်ပြီး ပြည်ပခရီးစဉ်တွေသွားတော့ ကျနော်နဲ့ ဂျီတော့ခ်မှာတွေ့ရင် သင်တန်းအခြေအနေ မျက်ခြေမပြတ်မေးမြန်းခဲ့တယ်။ ‘သင်တန်းသားအားလုံးကို ဆရာသတိရတယ်၊ အားလုံး ကျန်းမာပါစေ ဆုတောင်းတယ်’ လို့ အဝေးကနေ သင်တန်းသားတွေကို ကျနော့်ဆီကတဆင့် နှုတ်ဆက်စကား ဆိုလေ့ရှိတယ်။ ‘ဒီကနေ့ သင်တန်းမှာ လူစုံရဲ့လား…’ လို့ အဝေးကနေ သင်တန်းကိုစိတ်ပူနေတတ်တဲ့ ဆရာ။

            ဆရာ့မှာ အဆုတ်ကင်ဆာလက္ခဏာတွေ့တယ်လို့ စသိတော့ သင်တန်းသားတွေအားလုံးကို ပြောပြခဲ့တယ်။ ဆရာ စင်ကာပူမှာဆေးသွားစစ်ရင်း ရောဂါကို အနိုင်တိုက်ရင်း လုပ်စရာရှိတဲ့ အလုပ်တွေ ဆက်လုပ်မယ်လို့ တပည့်တွေကိုပြောတယ်။ ဆရာ့ကိုကြည့်ရင်း စိတ်မကောင်းဖြစ်နေတဲ့ ကျနော့်ကိုကြည့်ရင်း ဆရာ့ရောဂါက မသေချာသေးပါဘူး…. စင်ကာပူမှာ ဆေးစစ်ကြည့်မှ သေချာသိမှာပါလို့ ဆရာကပြန်ပြီး အားပေးရှာတယ်။ ဆရာရှေ့ရောက်တိုင်း ဆရာ့အတွက် စိတ်ပူနေ၊ စိတ်မကောင်းဖြစ်နေတာကို ဘာမှမဖြစ်သလို ထိန်းချုပ်နေမိတယ်။ ဆရာကတော့ တပည့်တွေအားလုံးကို အားပေးတဲ့အပြုံးနဲ့ ပြန်နှစ်သိမ့်နေသေးတယ်။

            နောက်ပိုင်း စင်ကာပူမှာ ဆရာဆေးသွားစစ်တယ်။ ဟိုမှာ ဆေးကုနေရင်း လိုင်းပေါ်မှာ ဆရာနဲ့တွေ့ဖြစ်ရင် သင်တန်းအကြောင်းတွေ မေးတယ်။ ပြီးတော့ သင်တန်းသားတွေအားလုံးကို သတိရတဲ့အကြောင်း၊ ကျန်းမာပါစေလို့ မေတ္တာပို့ပေးနေတယ်လို့ မကျန်းမာတဲ့ ကြားက တပည့်တွေကို စိတ်ပူပြီး ဂရုတစိုက်နဲ့ ပြောရှာတယ်။

            သင်တန်းကို အကြောင်းပြုပြီး ဆရာနဲ့သာမက ဆရာ့မိသားစုနဲ့ပါ ခင်မင်ရင်းနှီးခွင့်ရခဲ့တယ်။ လွတ်လပ်စိုးကလောင်နာမည်နဲ့ ပြည်သူ့ခေတ်မှာ စာတွေရေးနေတဲ့ မလတ်ကို အပြင်မှာတွေ့တော့ ကိုယ့်အစ်မအရင်းလို ချစ်ခင်လေးစားခဲ့ရတယ်။ မလတ်ကို လူချင်းမသိခင်ကတည်းက မလတ်စာတွေ ဖတ်ပြီး နှစ်ခြိုက်သဘောကျခဲ့ရတာ။ အပြင်မှာတွေ့တော့ လွတ်လပ်စိုးနာမည်နဲ့ လိုက်အောင်ကို လွတ်လွတ်လပ်လပ်နဲ့ အမြဲပေါ့ပါးလန်းဆန်းနေတတ်တယ်။

            အန်တီကတော့ ဆရာ့ရဲ့ပါရမီဖြည့်ဖက်ပီသစွာ စိတ်သဘောထားကောင်းပြီး ချစ်ခင်စရာကောင်းတယ်။ အန်တီနဲ့ ဆရာ့ကိုကြည့်ရင်း သူတို့နှစ်ဦးရဲ့ တစ်ယောက်ကို တစ်ယောက် ကြင်ကြင်နာနာလေးလေးစားစား ဆက်ဆံပုံတွေကို လေးစားအားကျမိတယ်။

            တစ်ရက် ဆရာကီမိုသွင်းဖို့ ရန်ကုန်အင်တာနေရှင်နယ်ဟိုတယ်အောက်ထပ်က MCOC ကို အန်တီနဲ့အတူ သင်တန်းအတွင်းရေးမှူးအစ်မ(မသဲ)ရယ်နဲ့ လိုက်သွားဖြစ်ခဲ့တယ်။ ဟိုရောက်တော့ ဆရာဆေးသွင်းနေတုန်း ဆရာမောင်မောင်လှိုင်ရဲ့ ကင်ဆာရောဂါအကြောင်းသိကောင်းစရာ စာအုပ်ကို ဖတ်ပြခဲ့တယ်။

အဲဒီမှာ ဆရာက စိတ်ဝင်တစားနဲ့ နားထောင်နေရင်း တစ်နေရာရောက်တော့ မုန်ညင်းခါးလို့ ဖတ်ပြရမယ့်အစား ကျနော်က မုန့်ဟင်းခါးလို့ မှားဖတ်မိပါလေရော။ အဲဒါကို ဖတ်ပြတဲ့သူ ကျနော်ကိုယ်တိုင်တောင် သတိမထားလိုက်မိဘူး။ ဆရာက မုန့်ဟင်းခါးက ကင်ဆာရောဂါနဲ့ တည့်တယ်ဟုတ်လား။ အိမ်မှာ ချက်ခိုင်းပြီး စားရမယ်ဆိုမှ မှားဖတ်မိမှန်းသိတယ်။ အဲတော့မှ… မုန့်ဟင်းခါးမဟုတ်ဘူး ဆရာ…မှားဖတ်မိတာ အမှန်က… မုန့်ညင်းခါး….  လို့ပြောပြီး ရယ်စရာဖြစ်ခဲ့သေးတယ်။

အဲဒီတုန်းက အခန်းက အရမ်းအေးတာကြောင့် ဆရာ့အနွေးထည်အင်္ကျီနဲ့ အန်တီ့အနွေးအင်္ကျီကို ကျနော်နဲ့ သင်တန်းကအစ်မ (မသဲ)ကို ပေးဝတ်ထားခဲ့တယ်။ နောက်ရက်မှာ ကျနော်ကော အဲဒီအစ်မပါ ဖျားတော့ နောက်တစ်ခါ ရန်ကုန်မှာ ဆရာဆေးသွင်းဖို့အတွက်ဆို ကျနော်တို့ကို အန်တီက ဖျားမှာဆိုးလို့ဆိုပြီး မခေါ်တော့ပါဘူး။

နောက်ပိုင်း စင်ကာပူဆေးသွားကုပြီး ပြန်လာတဲ့ ဆရာ့ကိုသွားတွေ့ရင် ဆရာက အလုပ်တွေ အဆင်ပြေရဲ့လား… မိဘတွေကော နေကောင်းကြလား… စတာတွေမေးတတ်တယ်။ 

နောက်ပိုင်း ဆရာ ၀ိတိုရီယဆေးရုံတက်နေရတော့ ဆရာ့ဆီ နှစ်ကြိမ်ရောက်ဖြစ်တယ်။ ပထမတစ်ကြိမ်သွားတော့ ဆရာ့ကို အရင်မြင်နေကျထက် အများကြီး သိသိသာသာကျသွားတာကို မြင်ရတော့ တော်တော်စိတ်မကောင်းဖြစ်မိတယ်။ စကားတစ်လုံးပြောဖို့ ခက်ခက်ခဲခဲအားယူနေရတဲ့ ဆရာ့ကိုကြည့်ပြီး ရင်ထဲဆို့နစ်နေတယ်။

ကျနော်ရယ် မသဲရယ် ဆရာ့ကုတင်တစ်ဖက်ဆီထိုင်ရင်း ကျနော်က ဆရာ့ခြေထောက်လေးတွေကို နှိပ်ပေးနေမိတယ်။ သူနာပြုဆရာမလေးက ဆရာရဲ့ညာဘက်လက်ကို နှိပ်ပေးနေတယ်။ ခဏကြာတော့ ဆရာ့က မနှိပ်နဲ့တော့...ဆိုပြီး ပြောတယ်။ ဒါနဲ့ ကျနော်လည်း နှိပ်နေရာကနေ ရပ်လိုက်မိတယ်။ ကျော့ကေခိုင်...နှိပ်... လို့ဆရာပြောလိုက်တော့ ကျနော်နှိပ်ပေးတာ ဆရာသက်သာလို့ဖြစ်မယ်လို့ တွေးရင်း ဆရာအိပ်မပျော်ခင်အထိ နှိပ်ပေးနေမိတယ်။ တစ်ခါတရံ မှိန်းနေရင်း ပါးစပ်ကလေးဟ ဟ သွားတော့ အန်တီက ဦးစိုးသိမ်း.... ပါးစပ်ပိတ်ထားလေဆိုပြီး နှုတ်ခမ်းနှစ်ခုကို စေ့ပေးလိုက်တော့မှ အသာပြန်စေ့သွားတယ်။

ဆရာနဲ့ စသိတဲ့ ပထမဆုံးအကြိမ်နဲ့ နောက်ဆုံးအကြိမ် ကျနော့်ကို ကျော့ကေခိုင်လို့ ခေါ်တာပါပဲ။ သင်တန်းတက်နေတုန်း ဆရာအပါအ၀င် မလတ်တို့ အန်တီတို့က ကျနော့်ကို ကျော့...လို့ပဲ ခေါ်ကြတယ်။ အဲဒီတုန်းက မှတ်မှတ်ရရ ဆရာက ကျော့ကေခိုင်လို့ နာမည်အပြည့်အစုံကို နောက်ဆုံးခေါ်ခဲ့တယ်။

နောက်ထပ် တစ်ခါဝိတိုရိယကို ထပ်ရောက်တာက ၈လေးလုံးအထိမ်းအမှတ်နေ့ကပါပဲ။ အဲဒီနေ့မတိုင်ခင် ဆေးရုံမှာ ညဘက်ဆရာ့အနားမှာစောင့်ပေးနေတဲ့ ဆရာ့တပည့်တစ်ယောက်ဖြစ်တဲ့ ကိုစိုးထွဋ်ကို ၈လေးလုံးနေ့ကျရင် ဆေးရုံနဲ့ သိပ်မဝေးတဲ့ MCC ခမ်းမကို ၀ှီးချဲနဲ့ သွားမယ်ပြောနေတယ်လို့ အဲဒီအစ်ကိုပြောပြလို့ သိရတယ်။ ဒါနဲ့ အဲဒီနေ့က ၈လေးလုံးပွဲကနေ ဆရာ့ဆီရောက်သွားကြတယ်။ အဲဒီမှာ ပထမလာတဲ့ အခြေအနေနဲ့တောင် မတူအောင်ကို ဆရာ့အခြေအနေက အားရစရာမကောင်းပါဘူး။ ဆရာ့သမီးကြီးမထိုက် ဖေဖေကြီး တပည့်တွေ လာတယ်...လို့ပြောတော့ ဆရာ မျက်လုံးလေးဖွင့်ကြည့်ပြီး ပြန်မှိန်းသွားတယ်။

ကိုစိုးထွဋ်က ဆရာ...ကျနော်တို့ ၈လေးလုံးပွဲကလာတာဆိုတော့ ဆရာ့နှုတ်က တစ်ခုခုကို ရွတ်နေတယ်။ ဒါနဲ့ သေချာနားစိုက်ထောင်ကြည့်တော့မှ လူစည်လားလို့ မေးတာမှန်း သိရတယ်။ ကိုစိုးထွဋ်က လူစည်တယ်...ဆရာ။ ပန်းချီပြခန်းတွေ၊ ဓာတ်ပုံပြခန်းတွေနဲ့ ABSDF အဖွဲ့က အမှတ်တရပြခန်းတွေပါရှိတယ်...လို့ပြေတော့ ဆရာ့မျက်နှာက ကျေကျေနပ်နပ်ကြီးပြုံးနေတယ်။

ပြန်လာတော့ ဆရာစိတ်မကောင်းဖြစ်မှာစိုးလို့ နှုတ်မဆက်ဘဲ ပြန်လာကြတယ်။ အဲဒီအချိန်တုန်းက ဆရာ့ကို နောက်ဆုံးတွေ့ခြင်းပဲဆိုတာ မသိခဲ့ဘူး။

သြဂုတ်လ ၁၁ရက်နေ့ မနက်ခြောက်နာရီခွဲလောက် ဆရာ့အနားမှာနေတဲ့ ကိုစိုးထွဋ်ဆီက ဖုန်းဝင်လာတယ်။ မနက်စောစောစီးစီး အရေးတကြီးကိစ္စကလွဲရင် ဆက်စရာအကြောင်း မရှိတာမို့ အဲဒီဖုန်းကို ကိုင်ရမှာကြောက်နေမိတယ်။ ကိုင်လိုက်တော့လည်း ညီမလေးရေ... ဆရာ မနက်ခြောက်နာရီ ၁၅က ဆုံးပြီနော်....တဲ့။ အဲဒီအချိန်မှာ ပထမဆုံးပြေးမြင်မိတာက အန်တီ့ကို။ ကိုစိုးထွဋ် ... အန်တီအဆင်ပြေရဲ့လားဟင်... အန်တီနေကောင်းလားလို့ မေးမိတယ်။ အဲဒီနေ့က ကျောက်တန်းပြန်ရောက်နေတဲ့နေ့မို့ ကျောက်တန်းကနေ ဆေးရုံကို အခုချက်ခြင်းလာခဲ့မယ်လို့ ပြန်ပြောမိတယ်။ နောက်တော့ ဆေးရုံကို သွားဖို့အချိန်မမီတော့ဘူး။ ဆရာ Body ကို အအေးတိုက်ကိုပို့နေပြီတဲ့။ ဘားလမ်းအိမ်ကိုပဲ လာခဲ့လိုက်တော့ဆိုတော့ ဘားလမ်းအိမ်ကို မနက် ၈နာရီနောက်ပိုင်းလောက်ရောက်တယ်။

အဲဒီမှာ ဆရာမရှိတော့ဘူးဆိုတာ လက်မခံနိုင်သေးတဲ့ အန်တီ့ကိုကြည့်ရင်း ကိုယ်ပါမျက်ရည်မဆည်နိုင်အောင် စိတ်ထိခိုက်ကြေကွဲရတယ်။

ဆရာရေ.... သြဂုတ်လမှာ သေမင်းက အကောင်းကြိုက်လွန်းတယ်လို့ သူများတွေက ပြောကြတယ်။ ဖေ့စ်ဘွတ်ခ်မှာ ဂျာနယ်စာမျက်နှာတွေမှာ သြဂုတ်လက ၀မ်းနည်းကြောင်းတွေ အထပ်ထပ်နဲ့ပါ ဆရာ။ သြဂုတ်တစ္ဆေက ပြည်သူအများရဲ့ မျက်ရည်တွေကို သောက်သုံးပြီး လူမုန်းများလို့ သူ့ရဲ့ သြဂုတ်က အဆုံးသတ်မလှခဲ့ပါဘူး ဆရာ။

ကျနော့်ရဲ့ ဖေ့စ်ဘွတ်ခ် Close Friends List ထဲမှာ လူနှစ်ဦးရှိတဲ့အထဲမှာ တစ်ဦးက ဆရာပါ။ ဆရာရဲ့ ပြောချင်လွန်းလို့ကဏ္ဍကို ဖေ့စ်ဘွတ်ခ်မှာတင်တိုင်း ကျနော့်ကို သတိတရနဲ့ tag ပေးခဲ့တယ်။ ဆရာနဲ့တွေ့ရင် သမီးကို ဆရာ tag ပေးထားတဲ့ဆောင်းပါး ဖတ်ဖြစ်လားလို့ မေးတတ်ပါတယ်။

ခုတော့ ဆရာရဲ့ ဖေ့စ်ဘွတ်ခ်အကောင့်လေးက active မဖြစ်တာကြာပေမဲ့ ကျနော့်ရဲ့ Close Friends List ထဲမှာ ဆရာရှိနေတုန်းပဲ။ ဒီထဲမှာမှမဟုတ်ဘူး ဆရာက ကျနော်တို့ရင်ထဲမှာ ဘယ်တော့မှ မမေ့နိုင်တဲ့ လေးစားချစ်ခင်ရတဲ့ ဆရာအဖြစ် တစ်သက်လုံးတည်ရှိနေမှာပါ။

ကျနော်တို့ လွမ်းနေရဦးမှာပါ ဆရာ....

................................................

...............................................

...............................................။

 

ကိုယ့်အချစ်ဆုံးနှစ်ယောက်....

ဒီကမ္ဘာမှာ ကိုယ်ချစ်ရတဲ့ အချစ်ဆုံးနှစ်ယောက်ရှိတယ်။ ကိုယ်သူတို့အပေါ် သိပ်ချစ်သလို သူတို့နှစ်ယောက်ရဲ့ ကိုယ့်အပေါ်ချစ်တဲ့အချစ်တွေက တူညီကြပေမဲ့ တစ်ခါတရံမှာ သူတို့က ရန်သူတွေလိုဖြစ်နေတတ်ကြတယ်။ ကိုယ်က ငယ်ငယ်ကလေးကတည်းက သူတို့ကြားက ငြိမ်းချမ်းရေးသံတမန်ဖြစ်ခဲ့တယ်။ ဒီကမ္ဘာမှာ ယောက်ခမနဲ့ ချွေးမဆိုတာ မသင့်မမြတ်နဲ့ ရန်သူတွေဖြစ်ဖို့များ ဖြစ်တည်လာခဲ့သလားဆိုတာ ကိုယ်အတွေ့အကြုံအရ လက်ခံချင်သလိုပဲ။ကိုယ်ချစ်တဲ့ ကိုယ့်အဖွားနဲ့ ကိုယ့်ရဲ့အမေကတော့ အဲဒီလိုဖြစ်နေခဲ့တာက ကိုယ်တွေ့ပါပဲ။

တစ်ဦးတည်းသောသားတစ်ယောက်ရဲ့ မိခင်မာနနဲ့ တစ်ဦးတည်းသောသမီးတစ်ယောက်ရဲ့ ဆက်ဆက်ကျဲ မဟုတ်မခံ မိန်းမနှစ်ယောက်ထိပ်တိုက်တွေ့ကြတဲ့အခါ….။

သူသိပ်ချစ်တဲ့ သားကမွေးလာတဲ့ မြေးကို သိပ်ချစ်တဲ့အဖွားပေမဲ့ ချွေးမကို မကြည်ဖြူနိုင်တဲ့ ကိုယ့်အဖွားနဲ့ ကိုယ့်မိခင်ရဲ့ မကျေနပ်မှု၊ မုန်းတီးမှုတွေကြား ကိုယ်က ရှင်သန်ခဲ့တယ်။

ဒါ့ကြောင့်ဖြစ်မယ်…. ကိုယ်က ငယ်ငယ်ကတည်းက သူတစ်ပါးမျက်နှာရိပ်မျက်နှာကဲ ကြည့်တတ်ခဲ့တယ်။ မေမေ့ရဲ့ ၀မ်းနည်းမှုက ကိုယ့်ရဲ့ ၀မ်းနည်းမှု။ မေမေငိုရင် ကိုယ်လည်းငိုတယ်။ မေမေမုန်းတဲ့ အဖွားကို ကိုယ်မမုန်းနိုင်ခဲ့တာတော့… ကိုယ့်နဲ့ ကိုယ့်အဖွားရဲ့ သံယောဇဉ်ပဲဖြစ်မယ်။

အဖွားရဲ့ သားအပေါ်သိပ်ချစ်တဲ့ မေတ္တာစိတ်က မေမေ့အပေါ်ဝန်တိုစိတ်ဖြစ်စေခဲ့သလားဆိုတာတော့ ကိုယ်ငယ်ငယ်က မတွေးတတ်ခဲ့ဘူး။ ကိုယ့်ရဲ့အဖေကော သူတို့နှစ်ယောက်ကြားမှာ ဘယ်လောက် အနေခက်ရမလဲဆိုတာ ကိုယ်အရွယ်ရောက်မှ တွေးမိခဲ့တယ်။

အစားကောင်းကောင်းစားရရင် ကိုယ်ချစ်တဲ့သူ၊ ခင်တဲ့သူတွေကို ကျွေးချင်တယ်တဲ့။ ကိုယ်ငယ်ငယ်ကတော့ အဲဒီသဒ္ဒါစိတ်ကို မသိခဲ့ဘူး။ ဒါပေမဲ့ အဖွားက ကိုယ့်ကို အစားကောင်းကောင်း တစ်ခုကျွေးရင် ကိုယ်မစားဘဲ မေမေ့ဆီယူလာပြီး မေမေ့ကို ကျွေးတတ်တယ်။ ဒီလိုပဲ မေမေက ကိုယ့်ကို အစားတစ်ခုကျွေးရင် အဖွားဆီယူလာပြီး အဖွားကို ကျွေးတတ်တာ အခုထိ အမှတ်တရရှိနေတုန်းပဲ။

မေမေက အဖွားအကြောင်း မကောင်းတာပြောရင် ကိုယ်နားမထောင်ချင်ဘူး။ ဒီလိုပဲ အဖွားက အမေ့အကြောင့် မကောင်းတာပြောရင် ကိုယ်အရမ်းစိတ်ဆင်းရဲရတယ်။ သူတို့ကြားက မကျေနပ်မှုတွေ၊ ၀န်တိုမှုတွေ၊ မုန်းတီးမှုတွေကို တဖြည်းဖြည်းလျော့နည်းစေချင်တာ ကိုယ့်ရဲ့ အဖြစ်ချင်ဆုံး ဆန္ဒ။ နောက်ပြီး သူတို့နှစ်ဦးက ကိုယ့်ရဲ့ အချစ်ဆုံးလူနှစ်ယောက်ဖြစ်နေခဲ့တယ်လေ။

ငယ်ငယ်က ကိုယ်က ဂရုစိုက်မှုတွေနဲ့ ချစ်ခြင်းမေတ္တာတွေကြားမှာ ကြီးပြင်းခဲ့တယ်။ ဒါပေမဲ့ စိုးရိမ်ကြောင့်ကျမှုတွေကလည်း ကပ်ပါနေသေးတယ်။ ကိုယ်ချစ်တဲ့သူနှစ်ယောက် မသင့်မြတ်မှာ၊ မုန်းတီးမှုတွေ ကြာရှည်မှာကို မလိုလားခဲ့ဘူး။ ကိုယ်တတ်စွမ်းသလောက် သူတို့နှစ်ယောက်ကြားက အေးစက်မှုတွေကို နွေးထွေးအောင် လုပ်ပေးချင်ခဲ့တယ်။
အချိန်တွေကြာလာတာနဲ့အမျှ သူတို့ကြားက အေးစက်မှုတွေက လျှော့ပါးလာခဲ့တယ်။ အဲဒီချိန်မှာ အပျော်ရွှင်ဆုံးက ကိုယ်နဲ့ အဖေပဲဖြစ်ပါလိမ့်မယ်။ 

ဆက်ရန်....

 

VOA မှ ကျနော့်ဘလော့အကြောင်း အင်တာဗျူး

http://burmese.voanews.com/content/yone-kalay-09-dec-2012/1600492.html


 

သားရဲ့အဖေ

သူအရင်လို မဟုတ်တော့ဘူး။ သူပုံစံတွေပြောင်းနေတာကို ကျမစပြီး သတိထားမိတာက အိပ်ထောင်သက် နှစ်နှစ်ကျော်မှာပေါ့။

       ကျမတို့ အိမ်ထောင်သက် နှစ်နှစ်ကျော်မှာ ထူးထူးခြားခြားပြောင်းလဲတာဆိုလို့ သားလေးတစ်ယောက် ကျမတို့နှစ်ယောက်ကြားရောက်ရှိလာတာပါပဲ။ ခုဆို သားလေးက ၉လအရွယ်။ တီတီတာတာနဲ့ ခိုးခိုးခစ်ခစ် ရယ်သံလေးတွေက ချစ်စရာကောင်းအောင် အပြစ်ကင်းစင်နေတယ်။

         ကျမတို့နှစ်ယောက်လက်ထပ်ကျတော့ နှစ်ယောက်လုံး ပထမနှစ်တက်နေတဲ့အချိန်မှာ သူ့နောက်ကို လိုက်ခဲ့ခြင်းပင်။ မိဘနှစ်ပါးလုံးမရှိတော့တဲ့ ကျမက အဘွားနဲ့အတူနေရင်း တက္ကသိုလ်တက်ရင်းက ပညာရေး တစ်ပိုင်းတစနဲ့ အိမ်ထောင်ရေးလောကထဲ ခြေစုံပစ်ဝင်ခဲ့တယ်။ အဲဒီအချိန်မှာ ကျမအသက်က ၁၈နှစ်။ သူက ကျမထက် အသက်တစ်နှစ်ကြီးပြီး လက်ထပ်ပြီးခါစကတော့ မိုးမမြင်လေမမြင်ချစ်ခင်ခဲ့ကြတယ်။

 သားလေးရပြီးနောက်ပိုင်း သူ့ပုံစံတွေ တဖြည်းဖြည်းပြောင်းလာခဲ့တယ်။ အစက ကျမမျက်ရည်က သူ့အတွက် ပုလဲလုံးလေးတွေ ဆုံးရှုံးရမှာစိုးလို့ တန်းဖိုးထားရသလောက် ခုတော့ ကျမမျက်ရည်တွေက သူ့အတွက် ကျောက်တုံးကျောက်ခဲတွေလိုပဲတဲ့။ သူမဘယ်လောက်ငိုငို သူဂရုမစိုက်တော့ဘူးတဲ့။

 ဟိုအရင်အချိန်တွေက ညခင်းအချိန်တွေမှာ သူ့ရင်ခွင်ထဲမှာနေရင်း ကောင်းကင်က ကြယ်တွေကို နှစ်ယောက်အတူ ရေတွက်ခဲ့ဖူးတယ်။ အဲဒီအချိန်တွေတုန်းက သူက ကျမကို တကယ်ကြင်နာပါတယ်။ ကမ္ဘာပေါ်မှာ အချစ်တတ်ဆုံးက သူပဲလို့ ကျမ မှတ်ထင်ထားခဲ့ဖူးတယ်။ ခုချိန်မှာတော့ ကျမရဲ့ ထင်မြင်ချက်တွေက မှားတယ်လို့ ကောက်ချက်ချရတော့မလို။

      လရိပ်လေးနဲ့ အေးမြတဲ့ ညလေးတစ်ညမှာတော့ သားလေးကိုသိပ်ပြီး သူ့ကို ကျမ ပူဆာကြည့်မိတယ်။ ဟိုးတစ်ချိန်ကလို ကြယ်တွေရေတွက်ရအောင်လို့။ ကျမအပြောကို မျက်မှောင်ကြီးကုတ်ပြီး မင်းရူးနေလား…ဒီလောက်ကြယ်တွေအများကြီး ဘယ်လိုရေတွက်မလဲ… စိတ်ကူးမယဉ်ချင်စမ်းပါနဲ့ကွာ..။

ကျမ သူ့ကို သေသေချာချာကြည့်မိတယ်။ အချိန်နှစ်နှစ်ကျော်ဆိုတဲ့ ကာလက လူတစ်ယောက်ကို ရင့်ကျက်မှု၊ တည်ငြိမ်မှု၊ အေးစက်မှုတွေကို ပေးနိုင်သလား။ အင်းလေ ဖြစ်နိုင်ပါတယ်။ လောကမှာ မဖြစ်နိုင်တာရယ်လို့မှ မရှိတာ။ သူက ရင့်ကျက်တည်ငြိမ်နေပေမဲ့ ကျမကတော့ ခုချိန်ထိ သူပြောသလို စိတ်ကူးယဉ်ကောင်းတုန်းလား။

          အချိန်တွေကြာလာတာနဲ့အမျှ အခေါ်အပြော၊ အပြုအမူတွေက နွေးထွေးမှုမရှိတော့တာကို တည်ငြိမ်ရင့်ကျက်မှုတစ်ခုလိုတော့ ကျမ မယူဆချင်ပါဘူး မောင်။ လက်ထပ်ပြီးတစ်နှစ်ကျော်အချိန် ကာလတစ်ခုမှာကတည်းက နင်တွေငါတွေနဲ့ မောင် သုံးနှုန်းနေပေမဲ့ ကျမကတော့ ခုချိန်ထိ မောင်လို့ ခေါ်နေတုန်းပဲ။ နောက်လည်း ဒီအတိုင်းပဲ ခေါ်ခွင့်ရှိသမျှ ခေါ်နေဦးမှာပါလေ။

          “သည်း…ဆိုတဲ့အဓိပ္ပာယ်က ကိုယ့်ရင်ထဲက အသည်းအသက်တမျှချစ်ရလို့ အဲဒီလိုခေါ်တာပေါ့ သည်းရဲ့…” ဟိုတစ်ချိန်တုန်းက ပြောတဲ့ သူ့ရဲ့ စကားသံတွေက ကျမနားထဲမှာ နီးသွားလိုက် ဝေးလာလိုက်။ အော်…ခုတော့.. နင်တစ်လုံး ငါတစ်လုံးနဲ့ အရင်တုန်းက နူးညံ့ပျော့ပျောင်းတဲ့ လေသံတွေက အချိန်ကာလတွေ တိုက်စားသွားလို့များ မာကျောလာတတ်သလား… မောင်တို့ယောက်ျားတွေအကြောင်း ကျမ မသိတော့ပါလေ။

           တကယ်တော့ ချစ်ခြင်းမေတ္တာဆိုတာ အနုပညာတစ်ခုပဲတဲ့လေ။ အဲဒီအနုပညာကို ကျမတို့ မိသားစုလေးအတွက် လှပသေသပ်တဲ့ ချစ်ခြင်းအနုပညာဖြစ်ဖို့တော့ ကျမတို့ကြိုးစားလို့ရနိုင်သားပဲ မောင်။ မောင်တို့ယောက်ျားတွေရဲ့အချစ်က အချိန်ကြာလာတာနဲ့အမျှ ပြောင်းလဲလာတတ်သလားလို့ ကျမ မေးချင်တယ်။

    ခုနောက်ပိုင်း မောင့်ရဲ့ အိမ်ပြန်ချိန်တွေက နောက်ကျလွန်းတယ်။ ဒါပေမဲ့ မောင် အလုပ်များလို့နေမှာပါလို့ ကျမ ဖြေတွေးတွေးမိတယ်။ မောင်ပြန်လာတဲ့အချိန်တိုင်း သားလေးက အိပ်မောကျနေပြီ။ မနက်ခင်း သားလေးနိုးနေတဲ့အချိန်ကျပြန်တော့လည်း မောင်က အပြင်ကို စောစောထွက်တတ်တော့ မောင်တို့သားအဖ တွေ့ချိန်က အရမ်းကိုနည်းတယ်။ ကြာတော့ သားက မောင့်ကို ခပ်စိမ်းစိမ်းဖြစ်လာတာကို မောင်ကလည်း ဂရုမစိုက်ခဲ့ပါဘူးလေ။

          တစ်နေ့တစ်နေ့ သားသားနားနားကျော့ကျော့မော့မော့နဲ့ အပြင်ထွက်ဖို့သာ မောင်တစ်ယောက် စိတ်စောနေခဲ့တာပဲလေ။

          တစ်ရက် သားလေးကိုယ်တွေပူနေလို့ ဆေးခန်းပြဖို့ လမ်းထိပ်မှာရှိတဲ့ ဆေးခန်းကို အပြေးအလွှားရောက်သွားမိတယ်။ မောင့်ကိုလည်း ဖုန်းဆက်ပြောဦးမလို့ပဲ။ ဒါပေမဲ့ မောင် အလုပ်များနေတဲ့ကြားက စိတ်အနှောင့်အယှက်မဖြစ်စေချင်တာကြောင့် မပြောဖြစ်ခဲ့တော့ဘူး။ သားလေး အခြေအနေကြည့်ပြီး နောက်မှပဲ ဖုန်းဆက်တော့မယ်လို့ စိတ်ကူးတာကြောင့်ရယ်ပါ။

          လမ်းထိပ်က အထွေထွေရောဂါကုဆေးခန်းလေးရဲ့ ဆရာဝန်က ကလေးသီးသန့်ဆရာဝန်မဟုတ်ပေမဲ့ အမြဲပဲ ကလေးတွေကို ဦးစားပေးတတ်တော့ ရောက်တယ်ဆို ၀င်ပြရတယ်။ သားလေးကို သေသေချာချာစမ်းသပ်ပြီး သူ့ရဲ့ အကူဆရာမလေးကို ဆေးတွေပေးဖို့ပြောနေတယ်။ အိမ်ပြန်ရောက်ရောက်ချင်း ပေးလိုက်တဲ့ဆေးတွေထဲက တစ်ခွက်ကို တိုက်ဖို့ပြောတာကို ကျမ သေသေချာချာလိုက်မှတ်နေမိတယ်။ သားလေးအတွက် လိုအပ်တဲ့ ဆေးတစ်မျိုးက အဲဒီဆေးခန်းမှာ မရနိုင်လို့ တခြားမှာ ၀ယ်ရမယ်ဆိုပြီး ဆရာဝန်က ဆေးစာရေးပေးတဲ့ စာရွက်လေးကို ကျစ်ကျစ်ပါအောင်ဆုတ်ကိုင်ရင် ဆေးခန်းထဲက ထွက်လာခဲ့တယ်။

          အပြန်မှာ သားလေးကိုချီရင်း အလာတုန်းက အမှုမဲ့အမှတ်မဲ့သားဇောနဲ့ စိုးရိမ်တကြီးလာခဲ့တဲ့ လမ်းကလေးကို သေချာကြည့်မိတယ်။ လမ်းသွားလမ်းလာ လူငယ်စုံတွဲလေးတွေ ရယ်ရွှင်ကြည်နူးလို့။ ပြီးတော့ ကောင်မလေးတွေရဲ့ လက်ထဲမှာ ပန်းစီးကြီးကိုင်လို့။ တချို့ကောင်မလေးတွေလည်း အရုပ်အကြီးကြီးတွေ ပွေ့ပိုက်လို့။ တစ်လောကလုံးမှာ သူတို့နှစ်ဦးပဲ ရှိတဲ့အတိုင်း လမ်းလျှောက်သွားလိုက်ကြတာ ယုံကြည်မှုအပြည့်နဲ့လေ။ အော် … ဒီနေ့က ချစ်သူများနေ့ပဲ။ ဟိုတစ်ချိန်တုန်းက ဒီလိုနေ့မျိုးမှာ မောင်နဲ့ ကျမ အခုလိုပဲ ကမ္ဘာမှာ အပျော်ဆုံး လူသားနှစ်ဦးဖြစ်ခဲ့တာပဲလေ။ မောင်က ကျမအတွက် မျက်မှန်တပ်ထားတဲ့ ၀က်ဝံရုပ်ကြီးတစ်ရုပ် လက်ဆောင်ပေးတယ်။ ကမ္ဘာပေါ်မှာ ကျမသာ ကံအကောင်းဆုံး မိန်းကလေးလို့ မှတ်ထင်ခဲ့ဖူးတဲ့ နေရက်တွေပေါ့။ မောင်ပေးခဲ့တဲ့ ချောကလက်ကို မစားရက်ဘဲ သိမ်းထားခဲ့မိတဲ့ ကျမရဲ့ အရင်က အဖြစ်တွေကို သွားပြီး သတိရသေးတယ် မောင်။ မောင်သာ သိရင် ရူးပြန်ပြီလို့ ဆိုဦးမလားပဲ။

          သားလေးအတွက်ဆေးဝယ်ဖို့ မောင့်ဆီဖုန်းဆက်ရင် ကောင်းမလား၊ ဒါမှမဟုတ် အခုပဲ သွားဝယ်ရင် ကောင်းမလားဆိုတဲ့ စိတ်တွေနဲ့ ခြေလှမ်းတွေက အိမ်အပြန်လမ်းရဲ့ ဆန့်ကျင်ရာကို သားလေးကိုချီရင်း လျှောက်လာမိတယ်။ သားလေးကတော့ ခုနဆေးခန်းမှာ တိုက်ထားတဲ့ ဆေးအရှိန်နဲ့ အိပ်ပျော်နေတယ်။

          လမ်းတစ်လျှောက်လုံး အင်္ကျီဆင်တူစုံတွဲကောင်လေးတွေ ကောင်မလေးတွေကိုကြည့်ရင်း ကျမ၀ယ်ရမယ့် ဆေးဆိုင်ကို ရောက်လာခဲ့တယ်။ ဆရာဝန်ပေးလိုက်တဲ့ ဆေးစာရွက်ကို ဆေးဆိုင်အရောင်းဝန်ထမ်း မိန်းကလေးကိုပေးလိုက်တော့ သူက စာရွက်ကိုတစ်ချက်ကြည့်ပြီး ကျမကို ဆေးတစ်မျိုးထုတ်ပေးတယ်။ ဘယ်လောက်ကျလဲလို့ ကျမမေးလိုက်ပြီးမှ စိုးရိမ်စိတ်တစ်ခုက ၀င်လာတယ်။ ကျမပိုက်ဆံအိတ်ထဲမှာ ပိုက်ဆံသိပ်မကျန်တော့။ သားတို့အဖေပေးတဲ့ နေ့စဉ်ဈေးဖိုးထဲကကျန်ငွေလေးတွေကို စုထားတဲ့ ပိုက်ဆံအိတ်သေးသေးလေးက ခုန ဆေးခန်းမှာလည်း အတော်အသင့်ကုန်ခဲ့ပြီ။ သားလေး မြန်မြန်နေကောင်းဖို့ ဆေးတိုက်ချင်တဲ့ စိတ်ဆန္ဒနဲ့ အိတ်ထဲမှာ ပိုက်ဆံသိပ်မကျန်တော့တာကို သေချာမစဉ်းစားမိခဲ့။

          ဆေးအရောင်းဝန်ထမ်းမိန်းကလေးပြောလိုက်တဲ့ ငွေပမာဏ ကျမအိတ်ထဲမှာမရှိတော့။ ဘယ်တတ်နိုင်တော့မလဲ။ သားတို့အဖေပြန်လာမှ ၀ယ်ခိုင်းရတော့မှာပဲ။ သားလေးကိုတင်းတင်းပွေ့ချီလို့ ဆေးဆိုင်ထဲက အထွက် အဖြူရောင်ဝက်ဝံရုပ်ကြီးတစ်ရုပ်ပိုက်လို့ ရယ်မောပျော်ရွှင်နေတဲ့ ကောင်မလေးတစ်ယောက်ကို အမှတ်မထင်ငေးကြည့်လိုက်မိတယ်။ စိတ်ထဲကနေလည်း ဒီအရုပ်က အကြီးကြီး ဆိုတော့ ဈေးလည်း တော်တော်ပေးရမှာပဲလို့ တွက်နေမိတယ်။ ကောင်မလေး ကံကောင်းတာပဲ။ သူ့ချစ်သူက ကောင်မလေးကို တော်တော်ချစ်လို့ဖြစ်မယ်လို့တွေးပြီး သူ့ဘေးကို ငဲ့အကြည့်……

ကိုယ့်မျက်လုံးတောင် ကိုယ်မယုံနိုင် သားလေးကိုပွေ့ထားတဲ့ ကျမလက်တွေက ရုတ်တရက်အားကုန်သွားသလို ခြေထောက်တွေကလည်း ယိုင်နဲ့နဲ့ဖြစ်ပြီး ကျမနှုတ်က အထစ်ထစ်ငေါ့ငေါ့ ဆို့ဆို့နစ်နစ်နဲ့ အက်ကွဲထွက်သွားတာက….

သား.. ရဲ့… အ...ဖေ …။

      

 လ၀န်းလေး

ဖြစ်နိုင်ရင်...

ဖြစ်နိုင်ရင်... ကိုယ်ချင်းစာတရားမရှိ ပြောတတ်တဲ့သူတွေနဲ့ မဆုံတွေ့ရပါရစေနဲ့၊
ဖြစ်နိုင်ရင်... အသွေးအရောင်အမျိုးမျိုးပြောင်းတတ်တဲ့ အရေခွံချွတ်လူတန်းစားတွေနဲ့ ဝေးရပါစေ၊
ဖြစ်နိုင်ရင်... လြူ့ပိန်းတွေကြီးစိုးတဲ့ ငါတို့နိုင်ငံမဖြစ်ပါစေနဲ့၊
ဖြစ်နိုင်ရင်... ငါတို့နိုင်ငံမှာ ခေါင်းဆောင်ကောင်းတွေ မွေးဖွားပါစေ၊
ဖြစ်နိုင်ရင်... စကားအမျိုးမျိုးပြောတတ်တဲ့သူတွေနဲ့ ဝေးဝေးနေနိုင်ပါစေ၊
ဖြစ်နိုင်ရင်... ရွှေရည်စိမ်၊ ငွေရည်စိမ်၊ ကွက်ကြားဒီမိုကရေစီတွေနဲ့ ဝေးပါစေ၊
ဖြစ်နိုင်ရင်... စစ်ပွဲတွေကြားက ကလေးငယ်များ၊ မိခင်များ ငြိမ်းချမ်းပါစေ၊
ဖြစ်နိုင်ရင်... ငါတို့တိုင်းပြည် အမြန်ငြိမ်းချမ်းပါစေ။

လ၀န်းလေး

(31-1-2013)