ကျောင်းဒကာကိုပဲ စိတ်ဆိုးရမလား
မိုးကိုပဲ စိတ်ထွက်ရမလား
ကျောင်းပျက်ကိုပဲ စိတ်ချဉ်ရမလား
သက်ညို
ကိုချင်း ။ ဟေ့လူ။ ဟေ့လူ။ လွှတ်ပြီတဲ့ဗျ။
ကိုမင်း ။ သိပြီးပါပြီဗျာ။
ကိုချင်း ။ ခင်ဗျားကလည်း။ တစ်ချိန်လုံး ဒီအကျဉ်းသားတွေ လွှတ်ပေးဖို့ကိစ္စကိုပဲ ပြောနေကြပြီး၊ တကယ်လွှတ်တော့လည်း ခင်ဗျားတို့က ၀မ်းပန်းတသာလည်း မရှိပါလား။ အကျဉ်းသားတွေ လွှတ်ပေးတာ မကောင်းဘူးလား။
ကိုမင်း ။ အကျဉ်းသားတွေ လွှတ်ပေးတာ ယေဘုယျအားဖြင့် ကောင်းပါတယ်။ ဒါပေမဲ့ ခုလိုလွှတ်ပေးတာတော့ ၀မ်းသာအားရ ဖြစ်စရာ မဟုတ်ဘူးလို့ ထင်တာပဲ။
ကိုချင်း ။ ဘာတွေ ဖြစ်နေလို့လဲ။
ကိုမင်း ။ ယုံကြည်ချက်ကြောင့် အကျဉ်းကျနေသူတွေ လွှတ်ပေးတာကို ပြည်သူတွေက မျှော်လင့်နေကြတာ မဟုတ်လား။
ကိုချင်း ။ အခု အဲဒီလို လူတွေမပါဘူးလား။
ကိုမင်း ။ အဲဒီလိုလူတွေထဲက ထင်ရှားတဲ့သူ တော်တော်များများ မပါဘူး။
ကိုချင်း ။ နေဦးဗျ။ ခုဟာကက ပထမအသုတ်လို့လည်း ပြောတယ်။ ပြီးတော့ ပထမအသုတ်မှာ အသက်အရွယ်ကြီးရင့်သူများနဲ့၊ မကျန်းမမာသူများကို ဦးစားပေးလွှတ်တယ်လို့ ဆိုတာကိုး။ ဒီတော့ ထင်ရှားသူတွေ၊ ကျန်တဲ့သူတွေကို နောက်အသုတ်တွေမှာ လွှတ်ပေးမယ်ဆိုတဲ့ သဘောလားမှ မသိတာ။
ကိုမင်း ။ နောက်အသုတ်မှာ လွှတ်ပေးမယ်ဆိုရင်တော့ ကောင်းပါလေ့။ ဒါပေမဲ့ဗျာ။ ဒါမျိုးဆိုတာ အစိုးရရဲ့ စေတနာကို ပြသဖို့ဖြစ်တာမို့၊ ထင်ရှားသူတွေ၊ ပြည်သူလူထုက မျှော်လင့်နေကြသူတွေကို ဦးစားပေးပြီး အများအပြား လွှတ်ပေးသင့်တယ်လို့ ထင်တာပဲ။
ကိုချင်း ။ ဟုတ်တော့ ဟုတ်တယ်နော်။ ကျနော်တို့ရပ်ကွက်ထဲက အဒေါ်ကြီးတွေကတော့ လွှတ်ပေးလိုက်ပြီလို့ စကြားတုန်းက အရမ်းပျော်နေကြပြီး ဟိုတစ်ယောက်မပါဘူး။ ဒီတစ်ယောက်လည်း မပါသေးဘူးလည်းဆိုရော ဆက်တောင် မမေးတော့ဘူး။
ကိုမင်း ။ အင်း၊ အဲဒါပြောတာပေါ့။
ကိုချင်း ။ သာမန်ပြည်သူလူထုတွေ အဖို့တော့ ဟုတ်တာပေါ့။ ဘယ်ကျေနပ်ပါ့မလဲ။ ခင်ဗျားတို့လို နိုင်ငံရေးစိတ်ရှိတဲ့ သူတွေအဖို့တော့ ဒါကိုအကျိုးသင့် အကြောင်းသင့် စဉ်းစားပြီး လက်ခံသင့်တယ် မဟုတ်လား။
ကိုမင်း ။ ကျုပ်တို့က ပြည်သူလူထု ခံစားချက်ကို ဘယ်နှယ့်လုပ်ပစ်ပယ်လို့ ရပါ့မလဲဗျာ။ အကျိုးသင့် အကြောင်းသင့်ဆိုတာ ပြည်သူလူထုကို ဘယ်လောက် အကျိုးပြုတယ်။ ဘယ်လောက် စိတ်ချမ်းသာစေလဲဆိုတဲ့ အကျိုးအကြောင်းကို ဆင်ခြင်ရတာဗျ။
ကိုချင်း ။ ပြည်သူလူထုက၊ ဦးပုညမေတ္တာစာထဲကလို "ကျောင်းဒကာကိုလည်း စိတ်မဆိုး၊ မိုးကိုလည်း စိတ်မထွက်၊ ကျောင်းပျက်ကိုလည်း စိတ်မချဉ်၊ ကံကိုပင် စိတ်နာ၍ " ဆိုသလိုဖြစ်နေကြသဗျ။ ကံကိုပဲ ပုံချနေရတော့သဗျ။
ကိုမင်း ။ ကျောင်းဒကာကိုလည်း စိတ်မဆိုးရဲလို့ ထင်တယ်။ မိုးကိုလည်း စိတ်ထွက်လို့မှ မရတာကိုး။ ကျောင်းပျက်ကိုလည်း ဘယ့်နှယ်ပြန်တည်ဆောက်ရမယ်မှန်း မသိတော့ ကံကိုပဲ ပုံချရတာ ဖြစ်ပေမပေါ့။ အမှန်ကတော့ အစိုးရမှာ လုပ်ပိုင်ခွင့်လည်း ရှိပြီး၊ စေတနာလည်း ရှိပုံရလို့ ကျုပ်တို့အားလုံးက ထောက်ခံကြတော့ မလိုဖြစ်နေတာ မဟုတ်လား။ ခုတော့ တစ်မျိုးဖြစ်ကုန်ကြတာပေါ့။
ကိုချင်း ။ ဒါပေမဲ့ ဒေါ်အောင်ဆန်းစုကြည်နဲ့ အစိုးရနဲ့ တွေ့ဆုံဆွေးနွေးကြတဲ့အထဲမှာ ဒီလိုယုံကြည်ချက်အကျဉ်းသားတွေ လွှတ်ပေးရေး ကိစ္စက ရှေ့တန်းက ပါနေတာပဲ။ ဒေါ်အောင်ဆန်းစုကြည် ကိုယ်တိုင်ကလည်း ကျေနပ်အားရမှု ရှိတယ်ဆိုတော့ မျှော်လင့်ချက်က ကျန်နေသေးတာ မဟုတ်လား။
ကိုမင်း ။ ဒီလိုဗျ ကိုယ့်လူရဲ့။ ဘယ်လိုပဲ ဆွေးနွေးကြ၊ သဘောတူညီချက်တွေ ရကြတယ်ဆိုပေမယ့်၊ လက်တွေ့ကိစ္စတွေကို မသိကျိုးကျွံပြုလို့မရတာ အမှန်ပဲ။ အများပြည်သူဆိုတာ စိတ်ကူးယဉ်ကမ္ဘာထဲမှာ မနေကြဘူး။ မနေနိုင်ကြဘူးလေ။ လက်တွေ့ရင်ဆိုင်နေရတာတွေနဲ့ပဲ အားလုံးကို ဆုံးဖြတ်ကြမှာပဲ။
ကိုချင်း ။ ဒါကို ဒေါ်အောင်ဆန်းစုကြည်ကရော သိပါ့မလား။
ကိုမင်း ။ သိပ်သိမှာပေါ့။ သူက ပြည်သူလူထုနဲ့ ကင်းကွာပြီး နေလို့မရတဲ့ သူပဲဟာ။ ဒီတော့ သူလည်း ဆွေးနွေးစရာဖြစ်ဖြစ်၊ တောင်းဆိုစရာဖြစ်ဖြစ်၊ တစ်စုံတစ်ရာ အစိုးရနဲ့ လုပ်စရာရှိလိမ့်မယ် ထင်ပါတယ်။ ဒီလိုမှ မဟုတ်ဘူးဆိုရင် ပြည်သူလူထုအနေနဲ့ အစိုးရကိုရော၊ အစိုးရနဲ့ ဆွေးနွေးသဘောတူညီမှု ရနေတာကိုပါ အမျိုးမျိုး တွေးလာကြလိမ့်မယ် မဟုတ်လား။
ကိုချင်း ။ မပြောတတ်တော့ဘူးဗျာ။ ကျနော်တို့ကတော့ ပျော်ရတော့မလိုလို၊ ဒုံရင်းဒုံရင်းကိုပဲ ပြန်သွားရတော့မလိုလို ဖြစ်နေတာ အမှန်ပဲ။
ကိုမင်း ။ အဲဒါပြောတာပေါ့။ ပြည်သူ့ခံစားချက်က အဲဒီလိုဖြစ်နေတာလေ။
ကိုချင်း ။ မျှော်လင့်ချက် နည်းနည်းတော့ ကျန်သေးတယ် မဟုတ်လား။ အဲဒါက နောက်ထပ် အကျဉ်းသားတွေလွှတ်တဲ့ အသုတ်မှာ ထင်ရှားတဲ့ ယုံကြည်ချက် အကျဉ်းသားတွေကို လွှတ်ပေးမယ်ဆိုရင်ရောဗျာ။
ကိုမင်း ။ အဲဒီလိုလွှတ်ပေးမယ်ဆိုရင်တော့ ဒီမိုကရေစီနိုင်ငံတည်ဆောက်မယ့် လမ်းကြောင်းပေါ်မှာ မြန်မာနိုင်ငံ ရှိနေသေးတယ်လို့ ဆိုရမှာပေါ့။
ကိုချင်း ။ အဲဒီလိုဖြစ်လာအောင် ကျနော်တို့က ဘာလုပ်ရမလဲ။ အစိုးရဆီကို ဒါမှမဟုတ်၊ သမ္မတကြီးဆီကို ပြည်သူလူထုရဲ့ မေတ္တာရပ်ခံချက် တင်ရမလား။
ကိုမင်း ။ ပြည်သူလူထုက အမြဲတမ်းမေတ္တာရပ်ခံနေတာပဲ။ ဒါကို အစိုးရလည်း မသိတာမဟုတ်ပါဘူး။ တကယ့် ဒီမိုကရေစီနိုင်ငံ ထူထောင်မယ်ဆိုရင်တော့၊ ဒီလမ်းကြောင်းကို မဖြစ်မနေလျှောက်ရမှာပဲ။ ဒီလို ယုံကြည်ချက် အကျဉ်းသားတွေကို မလွှတ်ပေးဘဲနဲ့ ဒီမိုကရေစီဆိုတာ ဖြစ်မလာနိုင်ဘူးလေ။ မဟုတ်ဘူးလား။
၁၄၊ အောက်တိုဘာ ၂၀၁၁။
ပြည်သူ့ခေတ်ဂျာနယ် အတွဲ ၂၊ အမှတ် ၆၅။
