ကျနော်ရဲ့ တူတော်မောင်

ကျနော်တို့ မိသားစုထဲမှာ လူဦးရေးတိုးလာတော့မယ်တဲ့…။ မေမေက အဲလိုပြောတော့ ညီမလေးကို ပြေးမြင်မိတယ်။ ကျနော်နဲ့ အသက်နှစ်နှစ်သာကွာတဲ့ ညီမလေးက အိမ်ထောင်ရေးလောကထဲကို တိုးဝင်သွားခဲ့တာ နှစ်နှစ်ရှိပြီပဲလေ။ မေမေဆီက အဲဒီလိုကြားလိုက်ရတဲ့အချိန်မှာ ဗြုန်းဆို.. ကြက်သီးမွှေးညှင်းတွေထပြီး လှိုက်ခနဲဝမ်းသာသွားမိတယ်။ ကျနော့်ရဲ့ တူလေးလား တူမလေးလား မသိတဲ့ အဲဒီကလေးလေးကိုလည်း မြင်ဖူးချင်လာမိတယ်။

တစ်ချိန်က ဘ၀တစ်ခုကို အရွယ်မတိုင်ခင် ကိုယ်သဘောနဲ့ကိုယ် တည်ဆောက်သွားတဲ့ ညီမလေးကို စိတ်ဆိုးဒေါသဖြစ်မိသေးတယ်။ နောက်ပိုင်းတော့ ငယ်ရွယ်သေးတဲ့အချိန်မှာ အိမ်ထောင့်တာဝန်တွေထမ်းနေရတဲ့ ညီမလေးကို သနားမိတယ်။

တစ်ခါတရံ ညီမလေးနဲ့ တွေ့ချိန်တွေမှာ အင်္ကျီလေးအောက်က မသိမသာစူထွက်နေတဲ့ ဗိုက်ကလေးကို ခိုးကြည့်မိတယ်။ ပြီးရင် ကိုယ့်ဘာသာကိုယ် ကြည်နူးနေမိတယ်။ ညီမလေးရဲ့ ဗိုက်က အပျိုဗိုက်မို့ထင်ပါတယ်။ ၅လလောက်ရောက်နေ တာတောင် သိပ်မသိသာဘူး။ ကလေးလေးတစ်ယောက် ရတော့မှာမို့ ၀မ်းသာနေရပေမဲ့ တဖက်ကလည်း ကျန်းမာရေးမကောင်းတဲ့ ညီမလေးကို မွေးဖွားရ အဆင်ပြေပါ့မလားလို့ စိုးရိမ်ပူပန်နေသေးတယ်။

နှလုံးသွေးကြောကျဉ်း ရောဂါရှိတဲ့ ညီမလေးကို မွေးဖွားရင် အန္တရာယ်ဖြစ်မှာလည်း စိုးရိမ်မိတယ်။ ညီမလေးက ကလေးယူလို့ရတယ် မဟုတ်လား… လို့ မေမေ့ကို ခဏခဏမေးကြည့်မိတယ်။ မေမေက စိတ်မပူပါနဲ့ OG နဲ့ သေချာပြထားပါတယ်…လို့ ပြောမှ နည်းနည်းစိတ်သက်သာရာ ရမိတယ်။ ဈေးဝယ်သွားရင် တစ်သက်နဲ့တစ်ကိုယ် ယောင်လို့တောင် မကြည့်ဖူးတဲ့ ဗိုက်ဖုံးအင်္ကျီလှလှလေးတစ်ထည်ကို ညီမလေးအတွက်ဆိုပြီး ၀ယ်ပေးခဲ့ဖူးတယ်။

ညီမလေးကိုယ်ဝန် ၆လပြည့်တဲ့အခါမှာတော့ Ultrasound ရိုက်ကြည့်တယ်။ အဲဒီအချိန်မှာ ဗိုက်ထဲက ကလေးလေးက ယောက်ျားလေးတဲ့။ အားလုံးက ပျော်ကြတယ်။ ဒါပေမဲ့ ကျနော့်မေမေကတော့ အပျော်ဆုံးပေါ့။ ကျနော်ကတော့ မိန်းကလေးဖြစ်ပါစေလို့ ကြိတ်ဆုတောင်းနေသူဆိုတော့ အပြည့်အ၀ မပျော်နိုင်ပါဘူး။ ယောက်ျားလေးတွေ အဆော့သန်တာ၊ ပစ်စလက်ခတ်နေတာ၊ စည်းကမ်းမရှိတာ၊ ကြမ်းတမ်းတာ၊ ခေါင်းကြောမာတာ..စတဲ့ အကျင့်စရိုက်တွေရှိတဲ့ တခြားကလေးတွေကိုကြည့်ပြီး ယောက်ျားလေးဆိုရင် လန့်နေမိတယ်။

ဆေးရုံက ညီမလေးကို မွေးဖွားဖို့ ပေးထားတဲ့ Due Date နဲ့ တကယ်ဗိုက်နာတဲ့အချိန်နဲ့က တစ်လကွာတယ်။ ဗိုက်ကလည်း တအားနာနေတော့ ညီမလေးကို အပ်ထားတဲ့ OG က မိသားစုကို ပြောတယ်တဲ့။ ဗိုက်ထဲက ကလေးကတော့ သိပ်မျှော်လင့်ချက် မရှိတော့ဘူးတဲ့။ အဲဒီအချိန်တုန်းက မေမေက ငိုတယ်။ ညီမလေး မွေးဖွားတဲ့အချိန် အနားမှာ မရှိတဲ့ ကျနော်က နောက်ပိုင်း အဲဒီအကြောင်းတွေကို မေမေပြန်ပြောပြမှ သိခဲ့ရတယ်။

ညီမလေး ခွဲခန်းထဲဝင်သွားပြီး ဆယ့်ငါးမိနစ်လောက်ပဲ ကြာလိုက်တယ်တဲ့… အခန်းထဲက ကလေးလေးတစ်ယောက်ငိုသံက အပြင်မှာနေတဲ့ မေမေတို့အားလုံး ကြားလိုက်ရတော့ အရမ်းကိုပျော်သွားကြတာပေါ့။ ကလေးလေးက ကျန်းမာလိုက်တာမှ အသံကျယ်ကြီးနဲ့တောင် အော်ငိုတယ်ဆိုပြီးလေ။

ဒီလိုနဲ့ ကျနော်တို့ရဲ့ မျိုးဆက်လေး လူ့လောကထဲ ခက်ခက်ခဲခဲနဲ့ ဘေးမသီရန်မခပဲ ရောက်ရှိလာခဲ့တယ်။ ညီမလေးမွေးပြီး နောက်နေ့ ဆေးရုံကို ကျနော်ရောက်သွားတော့… သစ်သားပုခတ်လေးထဲမှာ နီတာရဲ ကလေးလေးကိုကြည့်ပြီး ချစ်စရာကောင်းလွန်းလို့ ကလေးနားကကို မခွာတော့ဘူး။ ဆံပင်နက်နက်လေးတွေရယ် မျက်တောင်အရှည်ကြီးတွေရယ် ပန်းရောင်အသားနုနုဖပ်ဖပ်လေးနဲ့ နှုတ်ခမ်းပါးပါးလေးကို တင်းတင်းစေ့ပြီး အိပ်နေလိုက်တာ။။ ခြင်ထောင်လို ဇာပိတ်စလေးနဲ့ အပေါ်ကနေ အုပ်ထားတဲ့ ကလေးလေးကို မကိုင်ရက် မထိရက်နဲ့ ငေးကြည့်ရင်း ပျော်နေမိတယ်။

အမျိုးတွေက ကလေးအနားက မခွာတဲ့ ကျနော့်ကို စ ကြတယ်။ ကလေးလေးကို ချစ်လားတဲ့။ မချစ်ပါဘူး….လို့ အရွဲ့တိုက်ပြီး ဆန့်ကျင်ဘက်တွေ လိုက်ဖြေတတ်တဲ့ အကျင့်နဲ့ ဖြေလိုက်မိတယ်။ ပြီးတော့မှ ညီမလေး ကြားသွားမှာ.. တကယ်ထင်ပြီး စိတ်မကောင်းဖြစ်နေမှာကို စိုးရိမ်မိတယ်။

ကျနော့်တူလေးက သိပ်ချစ်စရာကောင်းတာပဲ။ အိပ်နေရင်လည်း ချစ်စရာကောင်းတယ်။ ငိုရင်လည်း ချစ်ဖို့ကောင်းတာပါပဲ။ ကျနော့်သူ့ကို သိပ်ချစ်ပေမဲ့ မချီရဲဘူး။ မချီတတ်ချီတတ်နဲ့ ချီမိရင် ကျနော့်တူလေး နာသွားမှာစိုးလို့လေ။ မှတ်မှတ်ရရ သူ သုံးလပြည့်လောက်မှာ ကျနော် သူ့ကို ချီဖြစ်ခဲ့တယ်။ သူ့ပါးနုနုလေးကိုလည်း အဲဒီတော့မှ မွှေးကြည့်မိတယ်။

ကျနော်တောင် ဒီလောက်ချစ်နေတာ ကိုးလလွယ် ဆယ်လဖွားခဲ့ရတဲ့ ညီမလေးဆို သူ့သားလေးကို ဘယ်လောက်တောင် ချစ်လိမ့်မလဲလို့ တွေးမိတယ်။ ပြီးတော့ နောက်ထပ် ခံစားမိတာက မိဘမေတ္တာကိုပါပဲ။ ညီမလေးရဲ့ သားလေးဟာ ကျနော့်သားလေးလို့ သဘောထားမိတော့ မိဘမေတ္တာဆိုတာကို သဘောပေါက်လာမိတယ်။ မိဘတွေလည်း ကျနော်တို့ အပေါ်ကို အခုလိုပဲ အရိပ်တကြည့်ကြည့်နဲ့ ချစ်ခဲ့မှာပဲလို့လေ။

အခုဆို ကျနော့်တူလေး နှစ်နှစ်ကျော်သွားခဲ့ပြီ။ စကားကောင်းကောင်းတတ်တဲ့ အရွယ်ပေါ့။ စကားအရမ်းတတ်ပြီး ဉာဏ်လည်းကောင်းတဲ့ သားသားက ပြောသမျှကို လွယ်လွယ်နဲ့ မမေ့တတ်ပါဘူး။ တစ်ခါတရံ သူ့ကို ကတိပေးထား တာတွေကို မေ့နေရင်လည်း သတိပေးတတ်ပါသေးတယ်။ ငယ်သေးတဲ့အရွယ်ပေမဲ့ စကားကို ချက်ချက်ချာချာနဲ့ လူကြီးလေး တစ်ယောက်လို ပြောတတ်တာကလည်း အံ့သြစရာပါ။ အဲ…နောက်တစ်ခုက ဇွတ်တရွတ်လုပ်တတ်တဲ့ အကျင့်ရယ်ပါ။ ဒီအကျင့်က ဘယ်သူ့ဆီက ကူးတာပါလိမ့်နော်။ အ ဟဲ။ နောက်တစ်ခုကတော့ ခပ်တည်တည်နဲ့ နောက်ပြောင်တတ်တဲ့အကျင့်လေးပါ။ လူကြီးတွေက သူ့နာမည်ခေါ်ပြီး လိုက်ရှာနေရင် တစ်နေရာရာမှာ ပြုံးစိစိလေးနဲ့ ပုန်းနေတတ်တဲ့ အဲဒီကလေးရဲ့ အကျင့်လေးကကော ဘယ်သူနဲ့ တူမလဲမသိ။

တစ်ခါတလေမှ သားသားနဲ့တွေ့ဖြစ်ပေမဲ့ သားသားက ကျနော်အပေါ် စိမ်းမသွားတာကို ကြိတ်ပြီး ၀မ်းသာနေသေးတာ။ လူကြီးတွေ ပြောပြောနေတဲ့ သွေးက စကားပြောတယ်ဆိုတဲ့ စကားက သိပ်မှန်တာပဲ။ အိမ်ကို ဖုန်းဆက်တိုင်း သားသားတို့ သားအမိရောက်တဲ့နေအခါနဲ့ ကြုံရင် သားသားနဲ့ ဖုန်းပြောချင်တယ်လို့ အမြဲပြောမိတယ်။ ဖုန်းထဲကနေ မပီကလာပီကလာနဲ့ လူကြီးလေးတစ်ယောက်လိုပြောနေတဲ့ သားသားလေးအသံကြားရရင် တစ်နေ့လုံး ပျော်နေမိတယ်။

မြေဦးယောက်ျားလေးမို့ အဖေအမေတွေကော အဖိုးအဖွားတွေကပါ အလိုလိုက်ထားတော့ နည်းနည်းဆိုးချင်တယ်။ အိမ်ပြန်ဖြစ်တိုင်း ချစ်ပေမဲ့ သိပ်အလိုမလိုက်ကြဖို့ သတိပေးရသေးတယ်။ ဒါပေမဲ့ မရပါဘူး။ ကျနော် တစ်ခါတလေ အိမ်ပြန် ရောက်ရင်တော့ ချစ်ပေမဲ့ အလိုမလိုက်တတ်တဲ့အကျင့်ကြောင့်ထင်ပါတယ်… သူ့ကို မလုပ်ရဘူးဆိုတဲ့ အရာတစ်ခုခုကို ပြောစကားနားမထောင်ဘဲလုပ်နေရင် သူ့မျက်နှာကို တစ်ချက် လှမ်းကြည့်လိုက်တာနဲ့ လုပ်နေတာကနေ ချက်ခြင်းရပ်ပြီး မျက်နှာငယ်လေးနဲ့ ဖြစ်သွားတတ်တယ်။ အဲဒီလိုဖြစ်သွားတိုင်း စိတ်ထဲကနေ သနားပြီး သူ့သဘောအတိုင်း အလိုလိုက်ပြီးနေလိုက်ချင်တဲ့ စိတ်တွေကို မနည်းထိန်းရတယ်။ မျက်နှာငယ်လေးနဲ့ ဖြစ်နေတဲ့ သားသားကိုကြည့်ပြီး ကျနော်လည်း ဘယ်စိတ်ကောင်းနိုင်ပါ့မလဲ။ ဒါပေမဲ့ ကလေးဆိုတာ သူ့နေရာနဲ့သူပဲ အလိုလိုက်တာ ကောင်းပါလိမ့်မယ်။

အခုဆို အင်္ကျီဝတ်ရင် ဟိုဟာမ၀တ်ချင်ဘူး၊ ဒီဟာမ၀တ်ချင်ဘူး ဖြစ်နေပြီ။ ကလေးပဲ လူကြီးဝတ်ပေးတာ ၀တ်ပေါ့။ သူ့အမေ(ညီမလေး)က ပြောတယ်… သူကြိုက်တဲ့ အင်္ကျီကို ၀တ်ပေးရတာတဲ့။ ကျနော် ဗုဒ္ဓေါ…တ လိုက်မိတယ်။  ကလေးပဲရှိသေးတာ အဲလောက်တောင် အလိုလိုက်ရသလား…လို့ ပြောမိတယ်။ သူ့အဖွားတွေ အဖိုးတွေကောက ကလေးပြောသမျှ အကုန်လိုက်လုပ်ပေးတယ်။ အဲဒါကြောင့် မေမေ့ကိုပြောရတယ်။ ကလေးကို အလိုလိုက်လို့ ပြောမရ ဆိုမရ ဖြစ်လာရင် မေမေတို့ကြောင့်နော်…လို့ မေမေကိုပါ ပြောရသေးတယ်။ ကလေးပေမဲ့ အရာရာကို အကင်းပါးပြီး ဉာဏ်ကောင်းတဲ့ သားသားက ပြောဆိုဆုံးမရတာ မခက်ပါဘူး။

ကျနော်လည်း သူ့အမေ(ညီမလေး)ချစ်သလောက်ကို ကျနော့်တူလေးကို ချစ်တာပါပဲ။ သူ့အဖေနဲ့ အမေက သူ့သားရဲ့ အနာဂတ်ဘယ်သို့ဘယ်ပုံ စဉ်းစားလဲ မသိပေမဲ့ ကျနော့်မှာ တူလေးရှိလာတဲ့အချိန်မှာ တာဝန်တစ်ခုရှိလာသလို ခံစားမိတယ်။ သူ့ရဲ့ အနာဂတ်အတွက် ကျနော်ဘယ်လောက် လုပ်ပေးနိုင်မလဲဆိုတဲ့ အတွေးတွေ ကျနော့်ဆီ ၀င်လာတယ်။ တိုင်းပြည်အတွက် အဖိုးတန်တဲ့ သားကောင်းတစ်ယောက်ဖြစ်ဖို့ရယ်… မိဘဘိုးဘွားတွေအတွက် အဖိုးတန်တဲ့ သားလှရတနာတစ်ပါးဖြစ်ဖို့ရယ်…က ကျနော့်ရဲ့ သားသားအပေါ်မှာထားတဲ့ လောဘတွေပဲဖြစ်ပါလိမ့်မယ်။

 

ဗိုလ်ချုပ်အောင်ဆန်း အိမ်သို့ (မင်းယုဝေ)

ရန်ကုန်မြို့ တာဝါလိန်း အမှတ်(၂၅)ရှိ ဗိုလ်ချုပ်အောင်ဆန်းနေထိုင်ခဲ့သော အိမ်ကို ယဉ်ကျေးမှုဌာနက ‘ဗိုလ်ချုပ်အောင်ဆန်းပြတိုက်’ အဖြစ် ဖွင့်လှစ်ထားသည်။

 ထို့ကြောင့် ရုံးအားရက် တရက်တွင် ကျနော်သည် ဗိုလ်ချုပ်အိမ်သို့ သွားရောက် ကြည့်ရှုမိသည်။

ဗိုလ်ချုပ်အိမ်သည် ကျယ်ဝန်းသော ခြံဥယျာဉ်ထဲရှိ တောင်ကုန်းငယ်ပေါ်တွင် တည်ရှိသည်။ ခြံဥယျာဉ်သည် သစ်ပင်ပန်းမန်များဖြင့် ဝေေ၀ဆာဆာရှိ၏။ အိမ်မှာလည်း ခန့်ညားလှပပေ၏။ ဗိုလ်ချုပ်သာ အသက်ထင်ရှားရှိလျှင် သည်ခြံသည်အိမ်ကို ကြည့်ရသည်မှာ ပျော်ရွှင်ချမ်းမြေ့ဘွယ်ရာ ကောင်းပေမည်။ ယခုကား လွမ်းစဘွယ် ကောင်းနေပေတော့သည်။

သည်အိမ်တွင် ဗိုလ်ချုပ်သည် ဇနီး သားသမီးများနှင့် အတူ ၂နှစ်ကျော်နေထိုင်ခဲ့သည်။ ၁၉၄၅ခု မေလမှ ၁၉၄၇ခု ဂျူလှိုင်လ ကွယ်လွန်ချိန်အထိ နေခဲ့သည်။ အိမ်သည် နှစ်ထပ်အိမ်ဖြစ်သည်။ အောက်ထပ်တွင် ဧည့်ခန်းနှင့် ထမင်းစားခန်းရှိသည်။ အထက်ထပ်တွင် ကလေးအိပ်ခန်း၊ အထူးစည်းဝေးခန်း၊ စာဖတ်ခန်း၊ အိမ်ခန်း၊ ဘုရားရှိခိုးခန်းတို့ရှိသည်။ သည်အခန်းတို့ကို ဗိုလ်ချုပ်နေထိုင်စဉ်က အတိုင်းပင် အိမ်ထောင်ပရိဘောဂ ပစ္စည်းပစ္စယအစုံအလင်ဖြင့် လက်ရာခြေရာမပျက် ထားရှိပေသည်။

ရှေးဦးစွာ အောက်ထပ်ရှိ ထမင်းစားခန်းကို ကျနော်ဝင်ကြည့်သည်။ အခန်းအလယ်တွင် အရှင်ကင်းမဲ့နေသော စားပွဲရှည်တလုံးနှင့် ကုလားထိုင်များကို တွေ့ရသည်။ သည်စားပွဲတွင် တခါက ဗိုလ်ချုပ်သည် ဇနီး သားသမီးစုံစုံလင်လင်ဖြင့် စားသောက်ခဲ့ပေသည် တကား။

သည်စားပွဲကို တွေ့ရသောအခါ ထမင်းစားပွဲနှင့် ပတ်သက်၍ ဗိုလ်ချုပ်ပြောစကားကို ကြားယောင်မိသည်။ ဂျာပန်ခေတ်တွင် မြန်မာ့လွတ်လပ်ရေးအတွက် အရေးဆိုရန် ဗိုလ်ချုပ်အောင်ဆန်း၊ ဒေါက်တာဘမော်၊ သခင်မြတို့ ဂျပန်ပြည်သို့ သွားခဲ့ကြသည်။  မြန်မာနိုင်ငံသို့ ပြန်အရောက်တွင် သူတို့ကို ကုန်သည်ကြီးများအသင်းက ဂုဏ်ပြုညစာစားပွဲဖြင့် တည်ခင်းကျွေးမွေးကြသည်။ ထိုအခါ ဗိုလ်ချုပ်အောင်ဆန်းက ‘ကျနော် ထမင်းစားပွဲ၊ ဧည့်ခံပွဲများကို တက်ရန် ၀ါသနာမပါခဲ့ပါဘူး။ အခုမနေသာလို့ တက်ရောက်ပါတယ်။ ကျနော် ဒီထမင်းကို မစားသင့်ဘူး။ ဒီထမင်းကို စားလောက်အောင် မြန်မာပြည် အတွက်ရော၊ မြန်မာလူမျိုးအတွက်ရော ကျနော်ဘာမှ မလုပ်နိုင်ခဲ့သေးဘူး’ ဟု ပြောခဲ့သည်။

၆၅နှစ်မြောက် အာဇာနည်နေ့ အမှတ်တရ

အာဇာနည်နေ့

၁၉၄၇ ခုနှစ် ဇူလိုင်လ ၁၉ ရက်နေ့တွင် မြန်မာ နိုင်ငံ၊ ရန်ကုန်မြို့တွင် ဗိုလ်ချုပ် အောင်ဆန်း အပါအဝင် နိုင်ငံရေးတွင် အလွန် အရေးပါသော ခေါင်းဆောင်ကြီး ကိုးဦး လုပ်ကြံခြင်းခံခဲ့ရပြီး ကျဆုံးခဲ့သည်။ ထိုနေ့ကို အာဇာနည်နေ့ဟု သက်မှတ်ပြီး ယနေ့ထက်တိုင် အောင်းမေ့ သတိရကာ အမှတ်တရ ကျင်းပလျက်ရှိသည်။

ကိုယ်တိုင် ကိုယ်ကျ ပစ်ခတ် လုပ်ကြံ ခဲ့သူများ

1.   ရန်ကြီးအောင် (ရဲဘော် ကိုထွေးအား ကိုယ်တိုင်ကိုယ်ကျ ပစ်ခတ်သတ်ဖြတ်ခဲ့ သလိုအစည်းအဝေး ခန်းမအတွင်း ပစ်ခတ်မှုတွင် ပါဝင်သူ) ^[1]

2.     သက်နှင်း (ဦးဆောင် ပစ်ခတ်သူ)၊

3.     မောင်စိုး (ဦးဆောင် ပစ်ခတ်သူ)၊

4.     စိန်ကြီး (ပစ်ခတ်မှုတွင် ပါဝင်သူ)၊

5.     သုခ (ကားမောင်းသူ)။

သေဒဏ် အပြစ်ပေးခံရသူများ

(အင်းစိန်ထောင် ကြိုးတိုက်တွင်)

1.     ဂဠုန်ဦးစော

2.     မောင်စိုး

3.     သက်နှင်း

4.     မှုံကြီး ခေါ် မောင်မှုန် (လုပ်ကြံမှု အစီအစဉ် တွင် ပါဝင်ပြီး ဂဠုန်ဦးစော နေအိမ် အ၀ိုင်းခံရမှု တွင် လက်နက် ကိုင် ဆောင်၍ ပြန်လည် ပစ်ခတ်သူ၊ ယခင် ရန်ကုန်ထောင် ကြိုးတိုက် တွင် - ယနေ့ ခေတ် သူနာပြုတတ္ကသိုလ် )

5.     စိန်ကြီး ခေါ် မောင်စိန် ခေါ် လှအောင်

6.     ရန်ကြီးအောင် ခေါ် လှထွန်း

သေဒဏ် မှ ထောင်ဒဏ် တစ်သက် တစ်ကျွန်းသို့ ပြောင်းရွေ့ ကျခံရသူများ

1.     သုခ

2.     ခင်မောင်ရင်

3.     မောင်နီ ခေါ် ဘိုနီ ခေါ် ဂနီ

ဇူလိုင် ၁၉ ရက်နေ့ အဖြစ်အပျက် 

မိုးလင်းကတည်းကပင် ကောင်းကင်သည် အုံ့မှိုင်းညိုမှိုင်းလျက်ရှိသည်။ တိမ်တိုက်ဟူ၍ ဘာမျှ ကြည်လင်စွာ မမြင်ရ။ မိုးကို ကြည့်ရသည်မှာ မြူသန်းနေသော ပင်လယ်ပြင်ကြီးလို ဝိုးဝိုးဝါးဝါး နေသည်။ မိုးသည် ကင်းကင်းလွတ်လွတ် စဲသည်ဟူ၍ မရှိဘဲ တဖွဲဖွဲ နေလိုက်၊ တဖြိုင်ဖြိုင် ရွာချလိုက်နှင့်။ နောက် စွေ၍နေလေသည်။

ဇူလိုင်လ ၁၉ ရက်၊ စနေနေ့ နံနက် (၁ဝ)နာရီခွဲ။

ဒီကနေ့ အတွင်းဝန်များရုံးသို့ သွားစရာရှိသည်။ တိုင်းပြုပြည်ပြု လွှတ်တော်အထူးအရာရှိ ဦးသိန်းဟန် (ဇော်ဂျီ)က စနေနေ့ နေ့လယ်တွင် ဆောင်းပါးလာယူရန် ချိန်းထားသည်။ ဗိုလ်ချုပ် အပါးတော်မြဲ ဗိုလ်ထွန်းလှထံမှလည်း ခရီးသွားခြင်း ဆောင်းပါးကို လမ်းကြုံလျှင် ယူသွားပါဟု မှာထားချက်ရှိသည်။ သို့ဖြစ်၍ ဗိုလ်ထွန်းလှထံ ဆောင်းပါးဝင်ယူရင်း ခဏတဖြုတ် စကားစမြည် ပြောပြီးနောက် ဇော်ဂျီထံသို့ သွားမည်ဟု စိတ်ကူးထားသည်။

၁ဝ နာရီလောက်ကတည်းက အဝတ်အစားလဲပြီး မိုးအတိတ်ကို စောင့်လျက်ရှိသည်။ မိုးကား မစဲနိုင်။ သို့နှင့် စားပွဲတွင်ထိုင်ကာ အပြီးမသတ်သေးသော ကဗျာတဗုဒ်ကို စပ်ရင်း ၁၁ နာရီ ထိုးသွားလေပြီ။ မိုးကား မတိတ်သေးပေ။

နောက်ဆုံးတွင် မိုးစဲလိမ့်မည် မဟုတ်ဟု စိတ်ချလိုက်ပြီး အပေါ်အင်္ကျီထပ်ဝတ်ကာ လမ်းမကြီးသို့ ထွက်ခဲ့သည်။ အဆင်သင့်တွေ့သော ဒေါင်းတံဆိပ် တာမွေ ဘတ်စ်ကားကို တက်စီးသည်။ ကားထဲတွင် ကြည့်မြင်တိုင်မှ လိုက်ပါလာသည် ထင်ရသော တောသား သုံးယောက်နှင့် တရုတ်မနှစ်ယောက်ကို တွေ့ရသည်။ ကားပြတင်းတံခါးများမှာ ပိတ်ထားသည်။ ခရီးသည်တို့ကား တိတ်ဆိတ်စွာ လိုက်ပါလာကြသည်။ အပြင်ဘက်တွင်ကား မိုးသည် ရွာလျက်ပင်။ ရွှံဗွက်ချိုင့်ဝှမ်းတို့ဖြင့်ြွ့ပမ်းသော ရန်ကုန်လမ်းကား စိုစွတ်လှသည်။

ကားသည် သိမ်ကြီးဈေးတွင် ခေတ္တရပ်ပြီး ဆက်လက်၍ တဟုန်တည်း မောင်းလာသည်။ ခရီးသည် အဆင်းအတက် သိပ်မရှိလှ။ သို့နှင့် စပတ် (ဗိုလ်အောင်ကျော်)လမ်း ရောက်လျှင် ကျွန်ုပ်သည် ဆင်းလိုက်သည်။ ကျွန်ုပ်သည် ဒါလဟိုဇီ (မဟာဗန္ဓုလ)လမ်းဘက်မှ စပတ် (ဗိုလ်အောင်ကျော်) လမ်းကို ဖြတ်ကူးလိုက်သည်။

လမ်းဘေးတွင် မော်တော်ကားများသည် ဟိုတစု၊ ဒီတစု ရပ်လျက်ရှိသည်။ ကားတချို့ကား သွားလာလျက်။ မိုးကာဝတ်လျက် လူများသည် သွားကြ လာကြနှင့် ရှုပ်ယှက်ခတ်နေသည်။ သူရိယတိုက်ရှေ့ အဝင်တံခါးမပေါက်ကြီးတွင်ကား လူများသည် ရပ်ကာ အတွင်းသို့ မျှော်ကြည့်လိုက်၊ စကားပြောလိုက်နှင့် နေကြသည်ကို တွေ့မြင်ရသည်။ ကျွန်တော်ကား ရုံးဆင်းချိန်မို့ လူတွေ ရှုပ်နေတာ ထင်ပါရဲ့ဟုသာ သာမန် အောက်မေ့မိသည်။

ကျွန်တော်သည် အင်မတန် အရိပ်အခြေကို မသိတတ်၊ မမြင်တတ်သူ ဖြစ်ချေသည်။ ခါတိုင်းကဲ့သိုပင် ရဲရဲတင်းတင်း တံခါးပေါက်မှ အတွင်းသို့ ဝင်သွားသည်။ လမ်းကူးတွင်ကား လက်နက်ကိုင် စစ်သားများ စောင့်ကြပ်လျက် ရှိသည်ကို တွေ့ရသည်။ ခါတိုင်းလည်း စောင့်နေကျပဲဟု ထင်လိုက်မိသည်။ ကျွန်တော်သည် အတွင်းဝန်ရုံးသို့ သွားခဲလှပေသည်။

ညှိုးလျော့သော မျက်နှာနှင့် လုံချည်အပြာ ဝတ်ထားသော စာရေးမနှစ်ဦးသည် သုတ်သုတ် သုတ်သုတ်နှင့် ရုံးထဲမှ ထွက်လာသည်။ သို့နှင့် အလယ်ဆင်ဝင်အောက် ကားဆိုက်သည့်နေရာသို့ ရောက်လာသည်။ ခါတိုင်းလို ရုံးစေများ၊ ချာပရာစီများ ရပ်ပြုနေသည်ကို အလျဉ်းမတွေ့ရ။ တိတ်ဆိတ် ငြိမ်သက်၍ နေသည်။

ဗိုလ်ထွန်းလှအခန်းသို့ တက်ရန်လှေကား တထစ် နှစ်ထစ် တက်မိပြီးမှ တိတ်ဆိတ်ငြိမ်ချက်သား ကောင်းလှသည်ကို စိတ်ထင့်သွား၍ ဗိုလ်ထွန်းလှ ခေတ္ဈရုံးဆင်းချိန် လက်ဖက်ရည်သောက် သွားနေလိမ့်မည်ဟု တွေးကာ မတက်တော့ဘဲ ဆင်ဝင်အောက်ကို ဖြတ်သန်းကာ တဖက်ရှိ တိုင်းပြုပြည်ပြု လွှတ်တော်ရုံးခန်းသို့ လာခဲ့လေသည်။ ဇော်ဂျီထံမှ အပြန်မှပဲ ဝင်တော့မည်လေ။

လွတ်တော်ရုံး ဝင်ဝင်ချင်း သခင်နု၏ ရုံးခန်းတံခါးဝမှာ ပိတ်ထားသည်ကို တွေ့ရသည်။ သက္ကလတ် ခန်းဆီး အစိမ်းပုတ်ကြီးမှာလည်း ဆွဲပိတ်၍ ထားသည်။ သခင်နုရုံးခန်းကို ကျော်၍ ဇော်ဂျီ၏ အခန်းသို့ ရောက်လေပြီ။ သူ့အခန်းမှာလည်း တံခါးပိတ်ထားပြီး ခန်းဆီး အစိမ်းပုတ်ကြီးသည် ဆွဲ၍ စေ့ထားသည် ရုံးစေသုံးယောက်မှာ နံရံကို မှီကာ ရပ်နေကြသည်။ ခါတိုင်းလို စကားပြော မနေကြ။ သူတို့သည် ငေးမှိုင်တွေဝေ၍ တမျိုးကြီး ဖြစ်နေသည်ဟု အောက်မေ့လိုက်သည်။

ကျွန်တော်က ငိုင်တိုင်တိုင်နေသော ရုံးစေတစ်ဦးအား ‘ဦးသိန်းဟန် ရှိသလား’ ဟု မေးသည်။

‘ရှိပါတယ် ခင်ဗျ’ ဟု ခပ်တိုးတိုးသာ ခပ်အေးအေး ဖြေသည်။ သည်တော့မှ မျက်နှာပျက်နေကြောင်း အသေအချာ သိလိုက်တော့သည်။ စိတ်ထဲတွင်ကား မရှင်း။

တံခါးစေ့ထားသဖြင့် အတွင်းသို့ ရုတ်တရက် မဝင်ဝံ့သေးဘဲ ရပ်ကာ ရုံးစေဘက်သို့ တဖန်လှည်၍ ‘အထဲမှာ အစည်းအဝေး လုပ်နေသလား’ ဟု မေးရသည်။

ရုံးစေသည် ဘာမျှ မပြောဘဲ အသာအယာ စေ့ထားသော တံခါးကို ဖွင့်ပေးသည်။ လှမ်းကြည့်လိုက်ရာ သူ၏ စားပွဲတွင် ထိုင်နေသော ဇော်ဂျီကိုတွေ့မှ ထီးကိုထောင်ပြီး အတွင်းသို့ ဝင်လိုက်သည်။

ရုံးခန်းကား တိတ်ဆိတ် ငြိမ်သက်လျက် ရှိသည်။ စေ့ထားသော ပြတင်းတံခါးမှ ပြာစိမ်းစိမ်း မှန်ရောင်သည် ရိုက်ဟပ်သဖြင့် အခန်းသည် စိမ်းပြာပြာဖြစ်နေသည်။ အခန်းထိပ်ရှိ စားပွဲကြီးတွင်ကား တိုင်းပြုပြည်ပြုလွှတ်တော် အကြံပေးအရာရှိ ဝတ်လုံ ဦးချစ်ထွန်းသည် ခေါင်းငိုက်ကာ ငေးမှိုင်နေလျက် ရှိသည်။

ဇော်ဂျီသည် ကျွန်တော် ဝင်လာသည်ကို မြင်သောအခါ ဆိတ်ဆိတ်ပင်။ စကားမျှမမြွက်ဟဘဲ ထိုင်ရန် ကုလားထိုင်ကိုသာ လက်ဖြင့် ညွှန်ပြသည်။ သူသည် ငေးငိုင်၍ နေသည်။ အတန်ကြာ တိတ်ဆိတ်လျက် ရှိသည်။ ကျွန်တော်ကား ခါတိုင်း လှုပ်ရှားဆူညံ၍ နေတတ်သော အတွင်းဝန်များ ရုံးသည် ဘာကြောင့် ယခုလို အုံ့မှိုင်းရီဝေ၍ နေသည်။ ဆိတ်ငြိမ်၍ နေသည်ကို အံ့သြလျက် ရှိသည်။ အတန်ကြာ ဆိတ်နေရာမှ ‘အားလုံးတော့ ဒုက္ခဖြစ်ကုန်ပြီ’ ဟု ဇော်ဂျီက တိုးတိုးညည်းလေသည်။ ကျွန်တော်ကား ဘာမှန်းမသိသေးသဖြင့် ကြောင်နေရာ သူက အကဲခတ်မိ၍ နေရာမှထကာ လက်ပြ၍ အပြင်သို့ ခေါ်ခဲ့သည်။ ကျွန်တော်သည် ထိတ်ခနဲ ဖြစ်သွားသည်။

‘လက်ဖက်ရည်ဆိုင် သွားရအောင်’

မိုးတဖွဲဖွဲတွင် ရုံးခန်းအပြင်ဘက် မြေနီလမ်းဘေးပေါ်ရောက်မှ ကျွန်တော် မနေနိုင်၍ ‘ဘာဖြစ်လို့လဲ ဆရာ’ ဟု မေးမိသည်။

‘မင်း မကြားသေးဘူးလား’ ဟု ဇော်ဂျီက အံ့သြနေသည်။

‘ဟင့်အင်း၊ ကျွန်တော် အခုပဲ ဘတ်စ်ကားပေးက ဆင်းပြီး ရုံးကို တန်းလာတာ’

ဒီတော့မှ ဇော်ဂျီက ဖြစ်ပုံကို ပြောပြသည်။ ခြင်္သေ့တပ် စစ်ယူနီဖောင်းကို ဝတ်ဆင်ထားသော လက်နက်ကိုင် လူလေးယောက်သည် ကျွန်တော် ဖြတ်လာခဲ့သော အလယ်ဆင်ဝင်အောက်မှ တက်လာကာ ဦးအောင်ဆန်း၏ ရုံးခန်းတွင်းသို့ အတွင်းတွန်းဝင်၍ အစည်းအဝေး ပြုလုပ်လျက်ရှိသော အမှုဆောင်ဝန်ကြီးများအား စတင်းဂန်းဖြင့် ပစ်ခတ်ကြပြီး မည်သူမျှ ဖမ်းဆီးခြင်း မခံရဘဲ ဂျစ်ကားဖြင့် ထွက်ပြေး လွတ်မြောက်သွားသည်။ ကျွန်တော မရောက်မီ တစ်နာရီကျော်ကျော်တွင်ခန့်က ဖြစ်သည်။

ကျွန်တော်သည် သည်သတင်းကို ကြားသောအခါ ထိတ်လန့်တုန်လှုပ်၍ သွားသည်။ အသားများ တဆတ်ဆတ် တုန်၍ လာသည်။

အတွင်းဝန်ရုံး လက်ဖက်ရည်ဆိုင်ထဲတွင်ကား စာရေးစာချီ စသော ရုံးသားတို့သည် ညှိုးငယ်သော မျက်နှာဖြင့် ဆိတ်ငြိမ်စွာ စားသောက်၍ နေကြသည်ကို တွေ့မြင်ရသည်။ တစားပွဲခြားရှိ နိုင်ငံရေးရာ အတွင်းဝန် ကိုကျော်မြင့်ကလေးက လှမ်း၍ နှုတ်ဆက်လိုက်သည်။ သူသည် ခပ်အေးအေး၊ ခပ်ထွေထွေပင် လက်ဖက်ရည်ကို သောက်နေသည်။

‘အင်မတန် နှမြောဖို့ ကောင်းတယ်ဗျာ’

‘သိပ်ပြီး ရက်စက်ကြမ်းကြုတ်တဲ့ နိုင်ငံရေး လုပ်ကြံမှုပဲ’ စသည်ဖြင့် လူအချို့သည် ညည်းထွားလျက် ရှိကြသည်။ ဇော်ဂျီက ‘အမျိုးသား ပျက်စီးခြင်း တရပ်ပဲ’ဟု တသသပြောသည်။

‘ကျွန်တော် ရုံးဝင်းထဲ ဝင်လာတော့ လက်နက်ကိုင် ပုလိပ်တွေကို တွေ့တယ်။ ဒါပေမယ့် ကျွန်တော်ဝင်လာတာ မတားကြပါဘူး။ ဆင်ဝင်အောက် အဝင်မှာတောင် အသိစာရေးတယောက်နဲ့ တွေ့သားပဲ၊ သူကလည်း ဘာမှ မပြောဘူး’

‘လူတွေဟာ မပြောရက်ကြဘူး’ ဟု ဇော်ဂျီက ဆိုလေသည်။

လက်ဖက်ရည်သောက်နေကြစဉ် ခုတင်ပဲ ဆေးရုံမှ ပြန်လာသော ရုံးသားတဦး အပါးကပ်လာ၍ ‘ဘယ့်နဲ့လဲ’ ဟု ကျွန်တော်တို့က ဝိုင်း၍ မေးမြန်းသည်။ သူက မိုင်းပွန်စော်ဘွားကြီးမှတပါး အားလုံး ဆုံးရှာပြီဟု ပြောသည်။ သူသည် အသံတုန်နေ၍ မျက်နှာမှာ ဖြူဖပ်ဖြူရော် ဖြစ်နေသည်။

‘ဗိုလ်ချုပ်ကော’ ဟု တယောက်က တိုးတိုးမေးသည်။

‘မျက်နှာကို အဝတ်နဲ့ ဖုံးထားတယ်’

ကျွန်တော်လည်း ကြာကြာမနေနိုင်ဘဲ ဂျူဒါအီစကယ် (သိမ်ဖြူ) လမ်း တံခါးပေါက်မှ ကျော်၍ အပြင်ဘက်လမ်းသို့ ထွက်ခဲ့သည်။ မိုးသည် တစိမ့်စိမ့် ရွာလျက်ပင်ရှိသည်။ လူတအုပ်သည် မိုးရွာထဲတွင် ထီးဆောင်း၍၊ တချို့က ထီးမပါဘဲ၊ တချို့က ပလက်ဖောင်းပေါ်တွင်ရပ်ကာ အတွင်းဝန်ရုံးဘက်သို့ မျှော်ကြည့်နေကြသည်။ လူတယောက်က ကျွန်တော့် လက်မောင်းကို ဆွဲကိုင်၍ ‘ဒီမယ် ခုနက ဝန်ကြီးတွေ သေနတ်ပစ်ခံရတယ် ကြားတယ်၊ ဟုတ်သလား ခင်ဗျာ’ဟု မေးသည်။ သူကား အကြောင်းမျိုးစုံကို သိချင်နေပေလိမ့်မည်။

‘ဟုတ်ကဲ့’ ဟူ၍သာ ဖြေကြားပြီး တဖက်သို့ ဖြတ်ကူး၍ အသင့်တွေ့ရသော ဒေါင်းတံဆိပ်ကားကို တက်စီးလိုက်သည်။ ကားသည် လမ်းမတော်သို့ ပြေးလျက်ရှိသည်။

ကားထဲတွင် လူမနည်းလှပေ။ ခရီးသည်အားလုံး မျက်စိမျက်နှာ မကောင်းကြ။ ခပ်ရွယ်ရွယ် မိန်းမပျိုတဦးက ‘ဖြစ်မှ ဖြစ်ရလေနော်၊ ဖြစ်မှ ဖြစ်ရလေနော်’ ဟု မြည်တမ်းလျက်ရှိသည်။

ဈေးသည်ဟု ထင်ရသော ခပ်အိုအို မိန်းမကြီးနှစ်ယောက်ကား ‘ဗိုလ်ချုပ် အသက်ရှင်ပါစေတော်၊ ဗိုလ်ချုပ် အသက်ရှင်ပါစေတော်’ ဆုတောင်း၍ နေကြသည်။

ယခုမှပင် သိရသော မိန်းမတယောက်က မေးမြန်းသည်ကို ‘မပြောကြနဲ့၊ မပြောကြနဲ့’ဟု အသာလက်ကုတ်၍ တီးတိုးတားမြစ်သည်။ သူတို့သည် မပြောရက်ကြ။

သန့်ပြန့်စွာ ဝတ်စားထားသော တရုတ်တဦးက ‘အားကီး ရက်စက်တာပဲ’ဟု ကျွန်တော့်ဘက်သို့ လှည်၍ ရေရွတ်လျက် ရှိသည်။ မျက်နှာထား တင်းတင်းနှင့် ဒရိုင်ဘာသည် တောက်ခေါက်လိုက်သည်။

သိမ်ကြီးဈေးသို့ ရောက်လာသောအခါ လူသွားလူလာ ကင်းရှင်းနေပြီး ဈေးဆိုင်များမှာ ပိတ်ထားလေပြီ။ သတင်းသည် တမုဟုတ်ချင်း ပျံ့နှံ့၍သွားလေပြီ။ မော်တော်ကား၊ လန်ချားတို့ကား ခပ်မြန်မြန် သွားလာကြသည်။

ကားပေါ်မှ ဆင်း၍ လမ်းထဲသို့ ဝင်လာသောအခါ အိမ်ဝတွင် လူတို့သည် မှိုင်တိုင်တိုင်နှင့် ရပ်ကာ ကြည့်နေသည်ကို တွေ့မြင်ရသည်။ လူတို့သည် အငြိမ်မနေနိုင်ကြ။ မိုးသည် မစဲဘဲ ရွာလျက်ပင်။

လူတို့သည် ‘ဖြစ်မှ ဖြစ်ရလေ၊ ဖြစ်မှ ဖြစ်ရလေ’ ဟု တတွတ်တွတ် မြည်တမ်းရင်းပင် ညနေစောင်းလာတော့သည်။ ဗိုလ်ချုပ် ဆုံးကြောင်းကား ညနေသတင်းစာများမှ ကြားရလေပြီ။ မည်သူ့မျက်နှာ ကြည့်ကြည့်၊ မျက်နှာ ညှိုးငယ်နွမ်းလျစွာနှင့်။ လမ်းပေါ်မှ စက်ပြင်ဆရာတဦး၏ မိန်းမ ပါးစပ်မှ ‘ကျုပ်တို့တော့ ထမင်းလည်း မချက်တော့ဘူး၊ စားချင်စိတ်လည်း မရှိတော့ပါဘူးရှင်’ ဟူသော အသံသည် သဲ့သဲ့မျှ ပေါ်ထွက်လာသည်။

နေဝင်မီးငြိမ်းအမိန့် ထုတ်ထားသဖြင့် ညဥ့်ဦးသည် တိတ်ဆိတ်ကာ မှောင်လှသည်။ အိမ်သားများ ဆုံတိုင်း ညနေခင်းက အကြောင်းကိုသာ ပြောကြသည်။ ရှိုက်သံ၊ တမ်းတသံ၊ ညဉ်းညူသံ၊ တသသံ။

တိတ်ဆိတ်မှောင်မည်းသဖြင့် စောစော အိပ်ရာဝင်ကြသော်လည်း အိပ်မပျော်နိုင်ကြ။ နေ့ခင်းကဟာ အိပ်မက်ပဲ ဖြစ်ကြပါစေတော့ဟု မိန်းမများ ဆုတောင်းကြသည်။ ညဥ့်နက်သော်လည်း ချောင်းဟန့်သံ၊ လူးလွန့်သံတို့သည် ဆက်၍နေသည်။ ရှဲခနဲ မီးခြစ်၍ နောက်ဖေး ထကြပြန်သည်။ တရေးနိုးဆုံလျှင် ‘ဘယ်တော့များမှ မေ့ပျောက်ပါ့မလဲနော်’ ဟု အိပ်ချင်သံနှင့် ဆိုကြသည်။ တစ်ရေးနိုးတိုင်း သတိရလျက် ရှိသည်။ မကြာခဏ အိပ်မက်ပြီး နိုးသည်။ သို့နှင့်ပင် တအောက်မေ့မေ့ တသသနှင့် ထိုညကို လွန်မြောက်ရလေသည်။

ရည်ညွှန်းကိုးကား

1.     ဒေါက်တာ မောင်မောင် ၏ နိုင်ငံတော် လုပ်ကြံ မှု

2.     ဝမ်းနည်း ကြေကွဲဖွယ်ရာ မြန်မာနိုင်ငံရဲ့ ကံဆိုးမိုးမှောင် ကျတဲ့နေ့တနေ့ကို မှတ်တမ်း တင်ထားတဲ့ ဆရာကြီး ဒဂုန်တာရာရဲ့ “ဦးအောင်ဆန်း၏ နောက်ဆုံးနေ့” ကို “ဖျတ်ခနဲ တွေ့ရသော ရုပ်ပုံလွှာ ကားချပ်များ

မူရင်း - http://wikimyanmar.co.cc/wiki မှ ကူးယူဖော်ပြပါသည်။

 

ညီမလေးဖတ်ဖို့ (၅)

ညီမလေးရေ…

အချိန်တွေ ရာသီတွေက သူ့သဘာဝအတိုင်း တရွေ့ရွေကုန်လွန်လာနေတုန်း ခုဆို ညီမလေးက မမကြီးတို့ရဲ့ မျက်စိရှေ့တင် တဖြည်းဖြည်း အရွယ်ရောက်လာလိုက်တာ ဒီနှစ်ဆိုရင် ညီမလေးက ကိုးတန်းတောင်ရောက်ပြီပေါ့။ ဒီနှစ်တွေအတွင်းမှာ ညီမလေးက အရပ်ကြီးရှည်ပြီး ထွားလာလိုက်ပုံများ မမကြီးတို့တောင် အံ့သြယူရတယ်။ မမကြီးနဲ့ အသက် ၁၁နှစ်ကွာတဲ့ ညီမလေးက.. မမကြီးထက် အရပ်နည်းနည်းလေး နိမ့်တာကလွဲရင် ကိုယ်လုံးကိုယ်ထည်က မမကြီးထက်တောင် ဖွံ့ထွားနေသေးတယ်။

ခု ညီမလေးက ကိုတန်းဆိုတော့ နားရက်မရှိလောက်အောင်ကို ကျောင်းနဲ့ ကျူရှင်နဲ့ အလုပ်ရှုပ်နေမှာပေါ့။ ဟိုတရက်က မမကြီးဆီကို မေကြီးဖုန်းဆက်တယ်။ ည ဆယ်နာရီကျော်လောက်ပေါ့။ အဲဒီအချိန်ထိ ညီမလေး ကျူရှင်က ပြန်မလာရသေးဘူးတဲ့။ အဲဒါကြားတော့ မမကြီးစိတ်ထဲ မကောင်းဘူး။ ညီမလေးပေးရတဲ့အချိန်တွေနဲ့ တန်တဲ့ အသိပညာတွေ မမကြီးရဲ့ ညီမလေး ရနိုင်ပါ့မလားလို့ တွေးမိပြီးတော့ပေါ့။

လက်ရှိ မမကြီးတို့နိုင်ငံက ပညာရေးစနစ်က အလွန်ကိုနိမ့်ကျပြီး ဆိုးရွားနေတဲ့ အခြေအနေလေ။ မမကြီးတို့ ညီမလေးတို့က အဲဒီစနစ်တွေရဲ့ သားကောင်တွေပေါ့။  ဆရာကြီးအောင်သင်းကတော့ ဒီလိုပြောဖူးတယ် ညီမလေးရေ… `ပညာရေး စနစ်ပျက်သွားတာက နိုင်ငံရေးစနစ်ကြောင့်ပျက်သွားတာ´ လို့ ဆရာကြီးက ပြောခဲ့ဖူးတယ်။ ဒါတွေ ထားလိုက်ပါတော့။ ဆရာကြီးပြောတဲ့ နိုင်ငံရေးစနစ်ဆိုတာကို ခုချိန်မှာ ညီမလေး သေချာနားလည်နိုင်မှာ မဟုတ်သေးဘူး။ တစ်နေ့တော့ သမိုင်းကပြောတဲ့အမှန်တရားတွေကို ညီမလေးကောင်းစွာ နားလည်သဘောပေါက်နိုင်လိမ့်မယ်လို့ မမကြီး ယုံကြည်မိတယ်။

မိသားစုတစ်စုမှာ ကျန်းမာရေးစရိတ်က ပထမ၊ ပညာရေးစရိတ်က ဒုတိယလို့ ပြောကြတာ ညီမလေး ကြားဖူးမှာပေါ့။ မမကြီးတို့ မိဘတွေက ပြည့်စုံလွန်းလို့ မဟုတ်ဘဲ မမကြီးတို့ကို ပညာတတ်စေချင်လွန်းလို့ ကြိုးစားပြီး ပညာရေးကို ထောက်ပံ့ နေကြတာလေ။ ဒီလိုမျိုးပါပဲ မိဘတိုင်းက သူတို့ရဲ့ ပင်ပန်းမှုတွေကို မငဲ့ဘဲ ကိုယ့်သားသမီးတွေကို ပညာတတ်ပါစေတော့ဆိုတဲ့ မျှော်လင့်ချက်တွေနဲ့ သားသမီးတွေကို စာသင်ကျောင်းတွေကို ပို့ခဲ့ကြတယ်။

ညီမလေးရေ…အဲဒီ ကျောင်းတွေက သင်ကြားပို့ချမှုတွေက မိဘတွေရဲ့ မျှော်လင့်ချက်ကို ဘယ်လောက်ထိ အထောက်အကူဖြစ်နိုင်မလဲဆိုတာ မမကြီး စဉ်းစားကြည့်မိတယ်။ အရင် မမကြီးတို့ ကျောင်းတက်တုန်းကကော အခုညီမလေးတို့ လက်ထက်အထိကော ကျောင်းစာသင်ခန်းတွေမှာ သင်ထောက်ကူပစ္စည်းဆိုတာ မရှိခဲ့ဘူးနော်။ ဒီတော့ တကယ့်လက်တွေ့ဘ၀နဲ့ ဆပ်စပ်ဖို့အတွက် အလှမ်းဝေးခဲ့တယ်။

စာတစ်ပုဒ်ကို သင်ပြီး ဒါတွေဟာ တကယ့်လက်တွေ့ဘ၀နဲ့ ဆက်စပ်ပြီး အသုံးချလို့ရပါလားဆိုတဲ့ အတွေးတွေ ကျောင်းသားတွေဆီမှာ ၀င်မလာတော့ဘူးလေ။ ဒီ့တော့ စာတစ်ပုဒ်ကို ပုံသေကျက်၊ ပုံသေမှတ်တဲ့ အကျင့်တွေသာ ရလာခဲ့တယ်။ အာဂုံဆောင် နှုတ်တိုက်ရွတ်အဆင့်ကနေ တက်မလာခဲ့ဘူး။ ကျောင်းသားတွေကို ဝေဖန်သုံးသပ်နိုင်စွမ်း၊ တီထွင်ဖန်တီးနိုင်စွမ်းထက် အချက်အလက်တွေကို အလွတ်ကျက်မှတ်တာကိုသာ အားပေးနေတုန်း။

အခု ပုဂ္ဂလိကကျောင်းတွေ အတော်များများပေါ်လာခဲ့တယ်။ ဒါက ပိုက်ဆံတတ်နိုင်သူတွေအတွက်တော့ ကောင်းပါတယ်။ ကိုယ့်သားသမီးတွေကို အစိုးရကျောင်းမထားဘဲ သင်ယူနည်းစနစ် မတူတဲ့ ပုဂ္ဂလိကကျောင်း ပြောင်းထားမှာပေါ့။ ဒီထက်ပိုပြီး တတ်နိုင်သူများကျတော့လည်း နာမည်ကြီး နိုင်ငံခြားကျောင်းတွေမှာ သွားထားကြတယ်။ တချို့ကျတော့ ပညာရေးစနစ်ကြီး နိမ့်ပါးနေတာ သိရက်နဲ့ ငွေကြေးမတတ်နိုင်ဘဲ မလွဲသာလို့ ထားရတာရှိသလို တချို့မိဘများကျတော့လည်း ပညာရေးစနစ်ဆိုးကိုတောင် သတိမထားနိုင်ဘဲ စားဝတ်နေရေးလုံးပမ်းရတာ တစ်ဖက်၊ သားသမီးတွေကို ပညာတတ်ကြီးဖြစ်စေချင်လွန်းလို့ ချို့ချို့တဲ့တဲ့ ဒုက္ခခံပြီး ထားရတဲ့ မိဘတွေလည်း ရှိတယ်ဆိုတာ ညီမလေးသိမှာပါ။

အဲဒီလိုနဲ့ ပညာရေးစနစ်ကြီးက ဆယ်စုနှစ်များစွာ လည်ပတ်လာလိုက်တာ… ခု ညီမလေး ဒီအရွယ်ရောက်တဲ့အထိပေါ့။ ခုချိန်မှာ မမကြီးတို့နိုင်ငံမှာ ပညာရေးစနစ်ကြီး ပြုပြင်ပြောင်းလဲဖို့ အရေးတကြီးလိုအပ်နေပြီ။ တိုင်းပြည်ရဲ့ အနာဂတ်ဟာ လူငယ်တွေရဲ့ လက်ထဲမှာရှိတယ်ဆိုတဲ့ စကားကို ညီမလေးကြားဖူးမှာပါ။ တိုင်းပြည်ဖွံ့ဖြိုးတိုးတက်ဖို့အတွက် ထူးချွန်ထက်မြတ်ပြီး အတတ်ပညာ၊ အသိပညာကြွယ်ဝတဲ့ လူငယ်တွေ အများကြီးလိုအပ်တယ် ညီမလေး။

အခု မမကြီးနိုင်ငံမှာ ဘွဲ့ရပြီး အလုပ်လက်မဲ့ဖြစ်နေသူတွေ တပုံတပင်ပဲ။ ဘွဲ့လက်မှတ်ချောင်ထိုးထားပြီး ဆိုက်ကားနင်းနေသူတွေ၊ လမ်းဘေးမှာ ကွမ်းယာရောင်းနေသူတွေ၊ ဈေးတန်းမှာ ငါးရောင်းနေသူတွေ၊ ….. အများကြီးပဲ ညီမလေး။ ဆယ်တန်းအောင်ပြီးတော့ ပိုက်ဆံမတတ်နိုင်လို့ အဝေးသင်တက္ကသိုလ်တက်တယ်။ တစ်နှစ်လုံးမှာမှ ၁၁ရက်သာ တက်လိုက်ရပြီး စာမေးပွဲဝင်ဖြေတယ်။ အောင်လာတယ်။ ဒီလိုနဲ့ သုံးနှစ်ပေါင်းကို ရက်ပေါင်း ၃၃ရက်နဲ့ ဘွဲ့လက်မှတ်တစ်ခု ရလာလိုက်တယ်။ အဲဒီဘွဲ့လက်မှတ်ရဲ့ တန်ဖိုးက ဘာလဲ။ အနှစ်မဲ့ပြီး စာရွက်တရွက်သာသာလောက် ပဲ တန်ဖိုးရှိတဲ့ အဲဒီလက်မှတ်နဲ့ ဘာတွေဖြစ်လာနိုင်မလဲဆိုတာ ညီမလေး စဉ်းစားတာကြည့်ပေတော့။

ပိုက်ဆံတတ်နိုင်တဲ့ သူများကျပြန်တော့လည်း Day တက်တယ်။ Day က တနင်္လာကနေ သောကြာနေ့အထိ တက်ရတယ်။ ဘာသာရပ်တိုင်းမှာ စာအုပ်ထဲကအတိုင်း အကုန်အစင် သင်တာမရှိဘူး။ ဟိုအခန်းကျော်လိုက် ဒီအခန်းကျော်လိုက်နဲ့ ရှေ့ဆုံးက နှစ်ပုဒ်သုံးပုဒ် အလယ်နားက နှစ်ပုဒ်သုံးပုဒ်  နောက်နားလေးက လေးငါးပုဒ်လောက်သင်ပြီး စာအုပ်တစ်အုပ် အဆုံးသတ်သွားတယ်။ စာသင်တာတွေ နားမလည်ရင် စာမေးပွဲအောင်ဖို့ သေချာချင်ရင် ကျူရှင်တက်။ ကျူရှင်မှာ စာမေးပွဲအတွက်ဆိုပြီး တစ်ပွဲတိုး သင်ပေးတယ်။ ဒီလိုနဲ့ ဘွဲ့လက်မှတ်ရလာခဲ့တယ်ပေါ့.. ညီမလေး။

ညီမလေးရေ… မမကြီး အခုပြောပြတာတွေ ကြားပြီး ညီမလေး စိတ်ဓာတ်ကျမသွားနဲ့ဦးနော်။ မမကြီးဖတ်ဖူးတဲ့ စာအုပ်တစ်အုပ်ထဲက စာတစ်ကြောင်းကို ညီမလေးကို ပြောပြမယ်။ အဲဒါဘာလဲဆိုတော့… `ပညာက ကိုယ့်ဆီမလာရင် ကိုယ်က ပညာဆီ သွားရမှာပဲ´ တဲ့။ အရမ်းကို ကောင်းပြီး အရမ်းအဓိပ္ပာယ်ရှိတဲ့ စကားလေးပဲနော်။ ညီမလေးလည်း ပညာဆီကို သွားနိုင်တဲ့ သူတစ်ယောက်ဖြစ်ပါစေလို့ မမကြီး ဆန္ဒပြုပါတယ်။

ပညာကို တန်းဖိုးထားတတ်တဲ့ သူတစ်ယောက်ဖြစ်အောင် ကြိုးစားပါ ညီမလေး။

 

Center for Myanmar Media Development Journalism School

ဒီနေ့ ဖေ့စ်ဘွတ်ခ်ဖွင့်လိုက်တော့ ဆရာမောင်ဝံသဖေ့စ်ဘွတ်ခ်မှာသတင်းတခုတွေ့လိုက်ရတယ်။ ကျနော့်အတွက် အတိုင်းမသိပျော်ရွှင်ခြင်းတွေ သယ်ဆောင်လာတဲ့ သတင်းတခုပါ။ ဆရာက သတင်းစာပညာ သင်တန်းဖွင့်လှစ်ဖို့အတွက် ၀ါသနာပါသူတွေ ဆက်သွယ်လျှောက်ထားနိုင်တယ်ဆိုတဲ့ သတင်း တင်ထားပါတယ်။

ဆက်သွယ်စုံစမ်းဖို့ ဆရာဖုန်းနံပါတ်လည်း ပါတယ်။ ဒီတော့ ဆရာ့ဆီဖုန်းဆက်ပြီး စုံစမ်းမိတယ်။ ဆရာက CV ဖောင်ပို့ပေးဖို့ပြောပါတယ်။ ပြီးတော့ ဘယ်မှာနေလဲ မေးတယ်။ အင်းစိန်မှာနေတာ ဆရာ…လို့ ပြန်ဖြေတော့ ဆရာက သင်တန်းချိန် ၈နာရီဆိုတော့ အရောက်လာနိုင်ပါ့မလားလို့ မေးတယ်။ အရောက်လာနိုင်ပါတယ် ဆရာ… လို့ စိတ်အားထက်သန်စွာနဲ့ ဖြေလိုက်မိတယ်။

ချက်ခြင်းပဲ ဆရာ့အီးမေးလ်ထဲကို CV ဖောင် ပို့လိုက်ပြီး မကြာခင်ပဲ ဆရာ့ဆီက Reply ပြန်လာတယ်။ မေလနောက်ဆုံးပတ် မတိုင်ခင် သင်တန်းတက်ခွင့်ရမရ အကြောင်းပြန်မယ်လို့ ပြောထားတယ်။ အဲဒီအချိန်မှာ သင်တန်းတက်ခွင့်မရခဲ့ရင်ဆိုတဲ့ စိတ်က ကျနော့်ကို အလွန်အမင်းခြောက်လန့်ခဲ့တယ်။

ဆရာ့ဆီကို CV ဖောင်ပို့ပြီး နှစ်ရက်လောက်ကြာတော့ ကျနော့်မေးလ်ထဲကို ဆရာ့ဆီက အီးမေးလ်ရောက်နေတာ တွေ့လိုက်ရတယ်။ စိတ်လှုပ်ရှားစွာနဲ့ အဲဒီအီးမေးလ်ကို ဖွင့်လိုက်မိတယ်။ အီးမေးလ်က သင်တန်းတက်ခွင့်ရတယ်ဆိုတဲ့ အကြောင်း ပြီးတော့ အချိန်ရရင် ဇွန်လလေးရက်နေ့ သင်တန်းကို မစောင့်ဘဲ အခု ပထမဆုံးဖွင့်တဲ့ အပတ်စဉ်သင်တန်းမှာ Journalism English စသင်နေလို့ အရေးကြီးတဲ့ သင်ခန်းစာဖြစ်တာမို့ အချိန်ရရင် တက်စေချင်တဲ့အကြောင်း ရေးထားပါတယ်။

ဆရာ့ဆီကို အီးမေးလ်ကတဆင့် ချက်ခြင်းပဲ ၀မ်းသာအားရ အကြောင်းပြန်မိတယ်။ ဆရာပြောသလိုပဲ ဇွန်လ ၄ရက်နေ့အထိ မစောင့်ဘဲ အခုသင်တန်းကစပြီး တက်ပါ့မယ်ဆိုတဲ့အကြောင်းပါ။

သင်တန်းကို ၁၄.၅.၂၀၁၂ရက်နေ့မှာ စတက်ခဲ့တယ်။

ဗိုလ်ချုပ်အောင်ဆန်း၏ ၉၇နှစ်မြောက် မွေးနေ့ အမှတ်တရ

Type rest of the post here

ညီမလေးဖတ်ဖို့ (၂)

          အဲဒီနေ့ MRTV-4 က ထုတ်လွှင့်တဲ့ ဆရာမောင်သာချိုနဲ့ တွေ့ဆုံခန်းကို မမကြီးနဲ့အတူ ထိုင်ကြည့်နေရင်း ဆရာ့ကို အစီအစဉ်တင်ဆက်သူက သမီးဖတ်ဖို့စာအုပ်အကြောင်းမေးတယ်။ မမကြီးစိတ်ထင် အဲဒီအစီအစဉ်လေးက မိနစ်နှစ်ဆယ်လောက်ပဲရှိမယ်ထင်တယ်။ အဲဒီမှာ ဆရာပြောတဲ့ စကားတွေထဲမှာ မှတ်မှတ်ရရရှိနေတာကတော့ ‘ကျနော့် မိတ်ဆွေ တယောက်က ဒီစာအုပ်ကို ဝေဖန်ဖူးတယ်။ ခင်ဗျား စာအုပ်က ရေးထားတဲ့ ဆောင်းပါးတွေက ဥပဒေအရ အရေးယူလို့ မရတဲ့ မကောင်းမှုတွေကိုရေးထားတာပဲ ’ ဆိုတာရယ် ‘ပုဇွန်ထုပ်မှာပါတဲ့ လက်ညှက်ကြီးတွေကြီးလို့ ဈေးဝယ်သူက ပုဇွန်ထုပ်ရောင်းတဲ့သူကိုပြောတဲ့အခါ  ဈေးသည်က တမင်တကာ တပ်ထားတာမှ မဟုတ်တာပဲ’ ဆိုပြီး ဆရာက မေးမြန်းသူကို ပြောပြခဲ့တာကို မှတ်မိနေတယ်။ တကယ်တော့ ညီမလေးလည်း ဆရာ့ရဲ့အဖြေတွေကိုကြားပြီး အဲဒီစာအုပ်ကိုဖတ်ဖို့ စိတ်ဝင်စားသွားခဲ့တာ မဟုတ်လား။ ပုဇွန်ထုပ်မှာပါတဲ့ လက်ညှက်ကြီးတွေ တမင်တကာတပ်ထားတာ မဟုတ်ဘူးဆိုတဲ့ စကားကို ညီမလေး သဘောတကျနဲ့ ရယ်ခဲ့သေးတာပဲ။ မမကြီးကတော့ အဲဒီအစီအစဉ်ကို ထုတ်လွှင့်ပေးတဲ့ MRTV-4 ကို ကျေးဇူးတင်မိသေးတယ်။ နို့မို့ဆို မမကြီးက ဒီစာအုပ်လေးကို ဖတ်ဖြစ်အောင် ဖတ်ပါလို့ပြောပေမယ့် အခုလောက်ဖတ်ဖို့ စိတ်ပါမှာ မဟုတ်ဘူးလေ။ ခုတော့ ဒီအစီအစဉ်လေးကို ကြည့်ပြီး ညီမလေး ဖတ်ဖို့စိတ်ပါသွားတယ်လေ။ အဲဒီစာအုပ်ထဲကနေ ညီမလေး လူမှုပေါင်းသင်းဆက်ဆံရေးတွေ သိလာမယ်။ ပြီးတော့ စိတ်ဓာတ်တွေ မြင့်မားလာမယ်။

          ညီမလေးရေ… လူမှုပေါင်းသင်းဆက်ဆံရေးဆိုတာ တကယ်တော့ ကျယ်ပြန့်လွန်းပါတယ်။ တကယ်တော့ မမကြီးကိုယ်တိုင်လည်း အဲဒီအထဲမှာ အသားမကျလှသေးပါဘူး။ မမကြီးလည်း တခါတရံ ကိုယ့်ရဲ့ ဒေါသတွေ အတ္တတွေ လောဘတွေက ထိန်းမနိုင် သိမ်းမရတဲ့အခါတွေလည်း ရှိနေဆဲပါ။ အသိစိတ်ကလေးလွတ်သွားရင် လွတ်သွားသလောက် အဲဒီအရာတွေက မြင်သာထင်သာလာတယ်။ ဒါပေမယ့် ကိုယ့်ရဲ့ သိစိတ်ကလေးက အဲဒီအရာတွေကို ချွန်းအုပ်နိုင်ရမယ်။ အဲဒီလို ချွန်းအုပ်နိုင်ဖို့ စာများများဖတ်သင့်တယ် ညီမလေး။ ဒါမှ ကိုယ့်ရဲ့ စိတ်ဓာတ်တွေ မြင့်မားလာမှာကိုး။

ဒီတပတ်တော့ ညီမလေးဆီက ဖုန်းလာလို့ မမကြီးဖုန်းလာကိုင်တော့ ညီမလေးက ထုံးစံအတိုင်းပဲ မမကြီးကို ပြောစရာရှိတယ်လို့ ပြောတယ်နော်။ မမကြီးလည်း ဘာပါလိမ့်ဆိုတဲ့ အတွေးနဲ့ စိတ်လှုပ်ရှားမိတယ်။ ဒီစိတ်လှုပ်ရှားတာက ညီမလေး ပြောစရာရှိတယ်ဆိုတိုင်း ဖြစ်နေကျ အကျင့်တခုရယ်ပါ။ ညီမလေးပြောတာက ညီမလေးတို့ကျောင်းက ရန်ကုန်ကို လေ့လာရေးခရီးတိုလေး တခု လာဖို့ရှိတယ်လို့ ပြောတာနော်။ အဲဒါ ဖွားဖွားက ညီမလေးကို စိတ်မချလို့ မထည့်ချင်ဘူးဆိုတာကြောင့် ဖွားဖွားကို မမကြီးက ကူပြောပေးဖို့ စစ်ကူခေါ်တာပေါ့နော်။ ညီမလေးကို မမကြီးမေးခဲ့တယ်နော်။ ရန်ကုန်ကို လေ့လာရေးလာမှာဆိုတော့ ဘယ်နေရာတွေလဲလို့လေ။ ဒီတော့ ညီမလေးပြောတာတွေက တပ်မတော်စစ်သမိုင်းပြတိုက်တို့ နက္ခတ်တာရာပြခန်းတို့ စတဲ့ နေရာတွေကို ယေဘုယျသိသလောက်လေး ပြောပြခဲ့တယ်နော်။ ညီမလေးရေ…ညီမလေးသွားသင့်တဲ့ သွားရမဲ့နေရာတွေ ရှိသေးတယ်ကွဲ့။ မမကြီးတို့နိုင်ငံရဲ့ လွတ်လပ်ရေးဖခင်ကြီးဗိုလ်ချုပ်အောင်ဆန်း သက်ရှိထင်ရှားရှိစဉ်က နေထိုင်ခဲ့တဲ့ ဗိုလ်ချုပ်အောင်ဆန်းပြတိုက်တို့၊ ဗိုလ်ချုပ်နဲ့အတူ တိုင်းပြည်အတွက် အသက်စွန့်ခဲ့တဲ့ အာဇာနည်တွေရဲ့ ဂူဗိမာန်တွေရှိတဲ့ အာဇာနည်ကုန်းကိုလည်း သွားရမယ်။ အင်း…ဒီနေရာတွေကိုတော့ ညီမလေးတို့လေ့လာဖို့ အခုချိန်မှာ မလွယ်သေးလောက်ဘူးထင်ပါရဲ့ကွယ်။ တနေ့နေ့ မဝေးတော့တဲ့ တနေ့တော့ ဒို့ညီအစ်မနှစ်ယောက် အဲဒီနေရာတွေကို လွတ်လွတ်လပ်လပ် သွားကြတာပေါ့နော်။

ဒါနဲ့ ညီမလေးရေ… ဒီလက ဖေဖော်ဝါရီလနော်။ ဒီလထဲမှာ ဘယ်သူ့မွေးနေ့ရှိ သိလား။ ညီမလေး တတိယတန်းမှာ သင်ခဲ့ရတဲ့ ‘အောင်ဆန်းဇာနည်’ ဆိုတဲ့ ကဗျာလေးကို မှတ်မိတယ် မဟုတ်လား။

အောင်ဆန်းဇာနည်

ဖေဖော်ဝါရီ ဆယ့်သုံးမှာ

ဗိုလ်ချုပ်မွေးနေ့ပါ။

တစ်ထောင့်ကိုးရာ တစ်ဆယ့်ငါး

ရှေ့နေ ဦးဖာသား။

ဇာတိနတ်မောက် မကွေးခရိုင်

သိကြများခုတိုင်။

ကြံ့ကြံ့ခိုင်တဲ့ ဇာနည်ဘွား

မိခင် ဒေါ်စုသား။

တစ်ထောင့်ကိုးရာ လေးဆယ့်ခွန်

ပြောင်းကြွ တမလွန်။

မျက်ရည်သွန်လို့ ဘ၀င်ညှိုး

ဇူလိုင် တစ်ဆယ့်ကိုး။

ပြည်ထောင်စုရဲ့ ကျေးဇူးရှင်

ဗိုလ်ချုပ် တို့ဖခင်။

ကောင်းစေချင်တဲ့မှာစကား

ငါတို့ မမေ့အား။

ပြည်ထောင်လွတ်ရေး ကြိုးပမ်းအောင်

ပြည်ချစ် တို့ခေါင်းဆောင်။

ဆိုရှယ်လစ်ဘောင် လမ်းစဉ်များ

ဗိုလ်ချုပ်ချမှတ်သွား။

          အဲဒီကဗျာလေးကို ညီမလေး မမေ့ပါနဲ့နော်။ ခုနေခါ ဗိုလ်ချုပ်သာ သက်ရှိထင်ရှားရှိနေဦးမယ်ဆိုရင် လာမယ့်ဖေဖော်ဝါရီ ၁၃ရက်နေ့ဆိုရင် ၉၆နှစ်မြောက်မွေးနေ့ပေါ့ကွယ်။ ဒါကြောင့် ညီမလေးလည်း ဒီဖေဖော်ဝါရီ ၁၃ ရက်နေ့ကို ဘယ်တော့မှ မမေ့ရဘူးနော်။ ညီမလေးတို့အတန်းက သူငယ်ချင်း တွေကိုလည်း မမေ့ဖို့ ညီမလေးက ပြောပြရမယ်နော်။ ပြောမယ့်သာ ပြောရတာပါ။ မမကြီးတို့ တိုင်းပြည်ကို လွတ်လပ်ရေးရယူပေးခဲ့တဲ့ ဗိုလ်ချုပ်ကို ပြည်သူတွေက တသက်မေ့မှာမဟုတ်ပါဘူး ညီမလေးရယ်။ ဗိုလ်ချုပ်ရဲ့ ကျေးဇူးတရားတွေက တနိုင်ငံလုံးအပေါ်မှာရှိပါတယ်။ ဒါကြောင့် ညီမလေးက လိမ္မာယဉ်ကျေးတတ်ဖို့နဲ့ ကျေးဇူးသိတတ်သူဖြစ်အောင် ပြီးတော့ ကိုယ့်တိုင်းပြည်ကို ချစ်တဲ့သူဖြစ်အောင် နေထိုင်ရမယ်နော်။

ညီမလေးရေ…ညီမလေးတို့ကျောင်းက သွားမယ့် လေ့လာရေးခရီးကိုလည်း လိုက်ခွင့်ရအောင် ဖွားဖွားကို မမကြီးပြောပေးပါ့မယ်။ ညီမလေးလည်း လေ့လာရေးခရီးစဉ်လေးမှာ ပျော်ရွှင်ပြီး အကျိုးရှိပါစေလို့ မမကြီး ဆုတောင်းပေးလိုက်ပါတယ်နော်။