ကျနော်ကလေးဘ၀က ကျနော့်မေမေက ကျနော်ကို မချစ်ဘူးလို့ ထင်ခဲ့မိတယ်။ ကျနော့်ညီမလေးနဲ့ယှဉ်ရင် ကျနော့်ကို မေမေက နည်းနည်းလေးပဲ ချစ်တယ်လို့ အထင်ရောက်ခဲ့တယ်။ ဘာဖြစ်လို့လဲဆိုတော့ ကျနော်ငယ်ငယ်က ခဏခဏအရိုက်ခံရတာကိုး။
အရိုက်ခံရတာတွေရဲ့ အကြောင်းအရင်းကို ပြန်စဉ်းစားကြည့်တော့ ကျနော်ခေါင်းမာလို့၊ စိတ်ကြီးလို့၊ စာကျက်ပျင်းလို့၊ အိပ်ယာထနောက်ကျလို့စတဲ့ အကြောင်းပေါင်းစုံကြောင့်ရယ်ပါ။ ညီမလေးနဲ့ ကျနော် အပြစ်တခုခုလုပ်မိလျှင် ထုံးစံအတိုင်း မေမေက တုတ်တချောင်းကောက်ကာ ရိုက်မည်ပြင်လျှင် ညီမလေးကတော့ အရိုက်ခံလွတ်အောင် ထွက်ပြေးပါတော့တယ်။ ကျနော်သာ ပေကပ်ကပ်ပုံစံနဲ့ ကျန်ရစ်မြဲ။ ဒီတော့ နှစ်ယောက်စလုံးရဲ့ အပြစ်အတွက် မေမေရဲ့ဒေါသက ကျနော်ရဲ့ခြေသလုံးပေါ်ကို တင်လိုက်ပါတော့တယ်။ ကျနော်ကလည်း မေမေသနားညှာတာအောင်ပြောဖို့ဝေးလို့...
နှုတ်ကနေ 'သေအောင်ရိုက် မေမေ... သေအောင်ရိုက်' လို့ မျက်လုံးစုံမှိတ်ကာ ပြောတတ်တဲ့ ကျနော့်ကို မေမေက ဒေါသတွေပိုထွက်လို့ပေါ့။ နောက်ဆုံးတော့ ကျနော့်ခြေသလုံးမှာ အရှိုးတွေသာ တင်ကျန်ခဲ့။
ညီမလေးကတော့ မေမေစိတ်ဆိုးပြေလောက်တဲ့အချိန်မှ မေမေရှေ့မှာ ပြန်ပေါ်လာတတ်တယ်။ အသားနာနေသော ကျနော်က တခါတလေကျပြန်တော့ မေမေစိတ်ဆိုးပြေမှ ပြန်လာတတ်တဲ့ ညီမလေးကို ရိုက်ဖို့ ပြောမိတယ်။ မေမေကတော့ ကျနော်ပြောတာကို ပြုံးရုံသာပြုံးတဲ့အတွက် ကျနော် မကျေမနပ်နဲ့ပေါ့။
ကျနော်ငယ်ငယ်က အကြောက်ဆုံးက မေမေစိတ်ဆင်းရဲမှာကိုပင်။ ဒါပေမယ့် တခါတရံ ကျနော့်ကြောင့်ပဲ မေမေစိတ်ဆင်းရဲခဲ့ရတယ်။ မေမေက ကျနော့်ကို မိန်းကလေးပီပီသသလေးနဲ့ သိမ်သိမ်မွေ့မွေ့လေး နေစေချင်တယ်။ ကစားရင်လည်း အိုးလေးတွေခွက်လေးတွေ၊ အရုပ်လေးတွေနဲ့ အေးအေးဆေးဆေးထိုင်ပြီး ကစားစေချင်တယ်။ ဒါပေမယ့် ကျနော်ကလည်း အဲဒီလိုကစားရတာ မနှစ်သက်။ ၀မ်းကွဲအစ်ကိုနဲ့အတူ ပြေးပြေးလွှားလွှားကစားချင်သူ။ သေနက်ပစ်လိုက်၊ လူဆိုးဖမ်းတမ်း ကစားလိုက် ပြီးရင် ငှက်ပစ်လိုက်၊ ငါးမျှားလိုက် လုပ်ရတာကို ကျနော်က သဘောကျ။ ကဲ... လုံးဝကို ဆန့်ကျင်ဘက်ပဲနော်။ မေမေက အဲသလိုလုပ်နေတဲ့ ကျနော့်အတွက် စိတ်မဆင်းရဲ ခံနိုင်ရိုးလား။ ဒီလောက် သူ့စိတ်တိုင်းကျ မဖြစ်တဲ့ ကျနော့်ကို မေမေစိတ်ပျက်မိမှာပေါ့။
No comments:
Post a Comment