ချစ်သူတွေ ပြန်လာပါစေ (လူထုစိန်ဝင်း)

နှစ်ဟောင်းကုန်ပြီး နှစ်သစ်ရောက်တော့မယ်ဆိုတာနဲ့ မီဒီယာသမား လူငယ်လေးတွေ တယောက်ဝင်တယောက်ထွက် ရောက်လာကြတယ်။ နှစ်သစ်မင်္ဂလာ စကားလေးပြောပေးပါ။ ရေးပေးပါနဲ့ မေတ္တာရပ်ခံကြတယ်။ တခုရေးပြီး မိတ္တူကူးပေးလိုက်ပါလားလို့ အကြံပေးသူက ပေးပေမယ့် မလုပ်ရက်ပါဘူး။

ငြင်းတယ် မရှိဘူး

          ကိုယ်ချင်းစာစိတ်နဲ့ တယောက်စီ သီးခြားရေးပေးပါတယ်။ လူငယ်လေးတွေက လေးစားအားကိုးလို့ ရောက်လာကြတာ မဟုတ်လား။ ဒါကြောင့် မျက်နှာစိမ်းကျက်မရွေး၊ တတ်နိုင်သမျှ ကူညီပါတယ်။ မင်္ဂလာနှုတ်ခွန်းဆက်စကား လေးငါးကြောင်းလောက်ရေးရတာ မဆိုထားနဲ့၊ ဂျာနယ်အသစ်ထုတ်မှာမို့ ဆောင်းပါးရေးပေးပါလို့ လာတောင်းသူမှန်သမျှကိုလည်း ငြင်းပယ်တယ် မရှိပါဘူး။ ကျန်းမာရေးကောင်းနေသမျှတော့ ရေးပေးတာချည့်ပါပဲ။ လူငယ်တွေနဲ့ အသစ်ထုတ်မယ့်သူတွေ ပိုပြီးအလေးထားရေးပေးပါတယ်။ ပြောရတာကတော့ မောလို့၊ မတတ်သာမှ ပြောချင်တယ်။ ရေးရတာကိုတော့ ဘယ်တော့မှ မငြင်းပါဘူး။

ကိုယ့်မူ ကိုယ့်ဘောင်နဲ့ရေးတာ

          မငြင်းတမ်း ရေးပေးနေတော့ နားချိန်မရအောင် ပင်ပန်းပါတယ်။ အကြောင်းအရာတွေလည်း အပ်ကြောင်းထပ်ကုန်ပါတယ်။ မြင်သမျှ၊ တွေ့သမျှရေးတာမဟုတ်ဘဲ ကိုယ့်မူ ကိုယ့်ဘောင်နဲ့ရေးသူဖြစ်လေတော့ ပိုပြီး အပ်ကြောင်းထပ်ပါတယ်။ ဒါကို စာဖတ်ပရိသတ်က သည်းခံပြီး ဖတ်ပေးနေကြတာ ကျေးဇူးတင်ရတယ်။ တာဝန်ကျေအောင်ပိုပြီး ကြိုးစားဖို့ အမြဲသတိထားပါတယ်။ စာတပုဒ်ဖြစ် ပြီးရောဆိုတဲ့ သဘောနဲ့ ဘယ်တော့မှ မရေးပါဘူး။ ပေးစရာသတင်း၊ ပြောစရာစကားမရှိဘဲနဲ့လည်း ဘယ်တော့မှ မရေးပါဘူး။

ပြောချင်တာ တမျိုးတည်းပဲ

          နှစ်သစ်မင်္ဂလာစကား အရေးခိုင်းသူများကို တယောက်လာ တခါရေးပေးပါတယ်။ ကော်ပီကူးပေးတာမျိုး မလုပ်ဘူး။ တခါစီ ရေးပေးတယ်ဆိုပေမယ့် အကြောင်းအရာကတော့ သိပ်မကွဲလှဘူး။ အတူတူလို ထင်ရတယ်။ ပေးချင်တဲ့၊ ပြောချင်တဲ့ အကြောင်းအရာက တမျိုးတည်းရှိတာကိုး။

“နှစ်သစ်မှာ ကိုယ်ရော စိတ်ပါ ရွှင်လန်းချမ်းမြေ့ကြပါစေ။ ငြိမ်းချမ်းခြင်း၊ လွတ်လပ်ခြင်းနဲ့ တရားမျှတခြင်းတို့ကို ခံစားရရှိကြပါစေ။ လောကဓံရှစ်ပါးရဲ့ အထုအထောင်းမျိုးစုံကို စိုးရိမ်ထိတ်လန့်နေရတဲ့ အကြောက်တရားအားလုံးမှ ကင်းဝေးကြပါစေ”

တယောက်ကို ဒီလိုရေးပေးလိုက်တယ်။

သောကကင်းပါစေ

နောက်တယောက်ကိုတော့…

“နှစ်သစ်မင်္ဂလာ အခါသမယမှာ ကျက်သရေမင်္ဂလာအပေါင်း ခညောင်းကြပါစေ။ သောကမှန်သမျှ ကင်းဝေးကြပါစေ။ လူသတ္တ၀ါအချင်းချင်း နှိပ်စက်ညှဉ်းပန်းခြင်းမှ ကင်းဝေးကြပါစေ။ စစ်ဆိုသော စကား မကြားမသိရသော နှစ်သစ်ဖြစ်ပါစေ၊ စိတ်း၏ချမ်းသာခြင်း၊ ကိုယ်၏ ကျန်းမာခြင်းနှင့် ပြည့်စုံပါစေ” လို့ရေးပေးလိုက်တယ်။

အောင်ဇေယျတု

          နောက်တယောက်လာတော့

          “မရှိစကား မကြားရတဲ့ နှစ်ဖြစ်ပါစေ။ စစ်ဆိုတဲ့ စကား မကြားရတဲ့ နှစ်ဖြစ်ပါစေ။ အားလုံး အားလုံး လွတ်မြောက်ကြပါစေ” လို့ရေးလိုက်တယ်။ နောက်တယောက်ကျတော့… “ကမ္ဘာရွာသူရွာသားအပေါင်းအတွက် အောင်ကြောင်းမင်္ဂလာ၊ အောင်ကြောင်းဖြာ၍ အောင်သြဘာနိမိတ်အပေါင်း ခညောင်းစေဖို့ အောင်ဇေယျတု၊ အောင်ဇေယျတု၊ အောင်ဇေယျတုလို့ ကောင်းချီးပြုလိုက်ရကြောင်းပါ”

ချစ်သူတွေ အိမ်ပြန်လာတဲ့နှစ်

          နှစ်သစ်မင်္ဂလာစကားဆိုတာ အားလုံးအတွက် ဖြစ်စေချင်တဲ့၊ ခံစားရရှိစေချင်တဲ့ မိမိရဲ့စေတနာကို ဖော်ကျူးတာဖြစ်သလို၊ ကိုယ့်ရင်ထဲမှာ နှစ်နှစ်ကာကာ လိုလားတောင့်တတဲ့အရာတွေကို လှစ်ဟဖော်ထုတ်လိုက်တာလည်း ဖြစ်တယ်။

“မြန်မာနိုင်ငံသူ နိုင်ငံသားအားလုံးအတွက် နှလုံးစိတ်ဝမ်း အေးချမ်းစေသော နှစ်သစ်၊ ကမ္ဘာ့ရွာအနှံ့ ရောက်ရှိနေကြသော မိသားစုအားလုံး ပြန်လည်ဆုံစည်းကြသော နှစ်သစ်၊ ပိတ်နေတဲ့ တခါးအားလုံး ပွင့်တဲ့နှစ်သစ်၊ ချစ်သူတွေ အိမ်ပြန်လာတဲ့ နှစ်သစ်၊ ၀မ်းမြောက်ဝမ်းသာ လက်ကမ်းကြိုဆိုနိုင်တဲ့ နှစ်သစ်ဖြစ်ပါစေ၊ ဖြစ်ကြပါစေ”

အားလုံးရဲ့ ဆန္ဒ

          တနှစ်ပြီးတနှစ် အသက်တွေလည်းကြီးလာပြီဆိုတော့ အဝေးရောက်တပည့်တွေကို ပြန်တွေ့ချင်လာတယ်။ သူတို့လည်း မြန်မာပြည်ကို ချစ်ကြသူတွေပဲ။ သူတို့ပြန်လာတာကို ‘Welcome home, Welcome home’ နဲ့ အားရပါးရကြီး ကြွေးကြော်ပြီး ကြိုချင်တယ်။ ဒါဟာ ကိုယ်လိုလားတောင့်တတဲ့အရာဖြစ်သလို၊ အမိအဖ၊ ညီအစ်ကို မောင်နှမတွေအားလုံးရဲ့ ဆန္ဒလည်း ဖြစ်ပေလိမ့်မယ်။

          လောကမှာ ကိုယ့်အိမ်ကိုယ့်ယာထက် နေချင်စရာကောင်းတဲ့အရာ ဘယ်မှာမှ မရှိပါဘူး။ ကိုယ့်အိမ်နဲ့ ဝေးတဲ့နေရာမှာ ဘယ်သူမှ မနေချင်ပါဘူး။ ဒါကြောင့်လည်း ‘There is no place like home, home Sweet home’ ဆိုပြီး စာတွေ၊ ကဗျာတွေ ရေးခဲ့ကြတာပေါ့။ “ကိုယ့်အိမ်နဲ့တူတဲ့နေရာ ဘယ်မှာမှ မရှိ၊ အိမ်။ ချိုမြ ချစ်ရတဲ့ အိမ်” တဲ့လေ။

မရှိသလောက်ရှား

          မြန်မာပြည်ဆိုတာ အင်မတန်ကိုမှ ချစ်စရာကောင်းလှတဲ့ အိမ်ကြီးပါ။ ကမ္ဘာမှာ ဒီလိုနေရာမျိုး မရှိသလောက် ရှားတယ်လို့တောင် ပြောချင်တယ်။ ဥတုသပ္ပါယ မျှတတယ်။ အစာရေစာ ပေါကြွယ်ဝတယ်။ မြေပေါ်မြေအောက် သဘာဝသယံဇာတတွေလည်း အလွန်အင်မတန် ပေါများတယ်။ ရေတွင်းတူးရင်းနဲ့တောင် ရေနံထွက်တဲ့ဒေသ၊ ဘယ် မြစ်ချောင်းအင်းအိုင်ဖြစ်ဖြစ် ကွန်ပစ်ရင် ငါးရသလို၊ ရွှေကျင်ရင် ရွှေရတယ်။ ဒီနှစ်နိုင်ငံမျိုး ကမ္ဘာမှာ ဘယ်လောက်ရှိလို့လဲ။ နှစ်သစ်က လောကသစ်ကို ဆောင်းကြဉ်းလာကြပါစေလို့ ဆုတောင်းပတ္ထနာပြုလိုက်ပါတယ်။ အောင်ဇေယျတု၊ အောင်ဇေယျတု၊ အောင်ဇေယျတု။

လူထုစိန်ဝင်း - News Watch Journal - အတွဲ(၆)၊ အမှတ်(၂၅)၊ ၅-၁-၂၀၁၁